> >Magestats romanas (bil) - F. Graveline, I. Roqueta

EDITORS / LABELS

Autors / Interprètes

Avètz ja vist

Magestats romanas (bil) - F. Graveline, I. Roqueta Mai grand

Magestats romanas (bil) - F. Graveline, I. Roqueta

978-2-917111-95-6

Nòu

L'Aucèu libre

Al còr d'Auvèrnhe, una concentracion excepcionala de verges romanicas, dont las enigmaticas "verges negras", fornís a l'autor l'argument d'un tèxte resplendent, ont l'elògi d'un art simple se metamorfòsa en un viatge interior.
Bilingüe francés-occitan (lengadocian).

Detalhs

Disponible

15,00 € TTC

Detalhs

Edicion L'Aucèu libre
Data de publicacion : 2025
Format (a x l) : 21 x 12 cm
Lenga : bilingüe occitan e francés
Nombre de paginas : 80
Religadura : enquasernat, cobèrta sopla

Ne saber mai

Magestats romanas (Majestés romanes)  

François Graveline 
revirada occitana d'Ives Roqueta

Amorós de son Auvèrnhe natal, François Graveline es jornalista, editor, escrivan, poèta e documentarista. A publicat mai d’un obratge sus las verges romanicas, mas aqueste es pas un estudi documentari.  
Pendent una escorreguda pels volcans d'Auvèrnhe, un òme se soven e descobrís quant las majestats romanicas an marcat sa vida : totas semblan aver quicòm a li aprene.

Extrach :  
"Aimi agachar lo cèl. Dempuèi totjorn, aquel totjorn qu'apèlan l’enfança. L'ai longtemps contemplat sens questions ni responsas. Englotit, absent e present a l’encòp. Irradiat de bonur. Sens saupre qu'o èri. Aquel temps me tòrna tot còp e l’impression anciana qu’aflora e dejà s'esvanís. Alara me viri cap al cèl. Aimi encara, aimarai dusca a la fin dels joms aquelas luonchors qu'an mina d’ïnfinitat, ribas perdudas que revèlan sa preséncia e gardan son secret. Sovent m'arresta la cordura de l’orisont, aurièira de l’en-deçà, de l’en-delà. Me sentissi aital, frontièiras indiciblas. Cadun saiques a tanben conoscut aiçò. E mpn esperit passa sus ma vida coma sus una cicatritz." (p. 9) 

Lo viatge interior desenròtla sas volutas en una longa somiariá poetica – sovenirs d'enfança, de surf, sovenirs de rencontres, de marchas e d'erràncias, sovenir dels èssers que son partits… e totjorn una verge romanica, dins una glèisa perduda en Auvèrnhe, ven apasimar lo baralh interior d'aquel "òme de pauc de fe".

Edicions de L'Aucèu libre. 

30 autres produits dans la même catégorie :