> >Aube d'Occitanie - Jean Boudou

EDITORS / LABELS

Autors / Interprètes

Avètz ja vist

Aube d'Occitanie - Jean Boudou Mai grand

Aube d'Occitanie - Jean Boudou

978-2-85927-136-7

Nòu

Vent terral

O sabiatz ? Joan Bodon, lo poèta, lo contaire, lo romancièr d’una òbra de tria, èra tanben un òme d'accion, engatjat e lucide, per sa lenga e son país. Aquí sas cronicas, publicadas de 1964 a 1968 dins lo bulletin de l'IEO de Roèrgue… De cronicas occitanistas totjorn d'actualitat !  
En francés, amb qualques passatges en occitan.

Detalhs

Disponible

19,00 € TTC

Detalhs

Edicion Vent terral
Data de publicacion : 2026
Format (a x l) : 21 x 14 cm
Lenga : en francés
Nombre de paginas : 184
Religadura : enquasernat, cobèrta sopla

Ne saber mai

Aube d'Occitanie

Alba d'Occitania

Joan Bodon (1920-1975)

President de la seccion avaironesa de l'Institut d'Estudis occitans (IEO) de 1964 a 1969, Joan Bodon aviá creat lo bulletin d'aquela associacion, que 16 numèros pareisseràn. Jean Bodon es lo principal contribuïdor dels 14 primièrs numèros. Aquel libre es lo recuèlh de sas contribucions, classadas dins l'òrdre cronologic.

Tre los primièrs numèros, Joan Bodon presenta lo movement occitan, que se bat non solament per la promocion e l'ensenhament de la lenga mas tanben per la defensa del país – sèm alara en plen malaise agricòla, e dos ans après la barradura de la mina de La Sala... e de qué servís de defendre la lenga se lo país es un desèrt ?
L'engatjament de Bodon a pas donc res d'un combat passadista o folclorista perque es dirèctament concernit per las luchas socialas del país. Per el, una cultura occitana viva, es la que transmet, cèrtas, mas li cal èsser tanben capabla d'evoluir, de crear, de se projectar.

Jean Bodon respond puèi a las remarcas e questions dels lectors sus la lenga (lenga e patés, grafia classica o "fonetica" ?), sus de ponches d'istòria (qu'èran los Catars ? e los Enfarinats ? existís una istòria d'Occitània ?) e abòrda de questions d'actualitat e de societat de totas menas. 
De còps, presenta tanben de libres : los romans d'Enric Mouly, los poèmas de Calelhon, lo diccionari de l'abat Vayssier e mai lo roman sieu, Lo libre de Catòia, que ven de paréisser.

En un mot, aquí avètz tot un argumentari qu'es bon de conéisser (los ancians de l'occitanisme o reconeisseràn) : es lo qu'a fondat las luchas occitanas del sègle 20.  
Un libre fòrt, totjorn d'actualitat, que fa soscar, sens jamai cedir al replegament.  
En francés, amb qualques tròces en occitan.

Edicions Vent terral.

30 autres produits dans la même catégorie :