> >País negat - Bernadeta Romieu

EDITORS / LABELS

Autors / Interprètes

Avètz ja vist

País negat - Bernadeta Romieu Mai grand

País negat - Bernadeta Romieu

978-2-85910-656-0

Nòu

IEO edicions

L'estiu (1960 ?) de dos cosins nascuts en Aubrac : Simian torna de la guèrra d'Argeria, trevat per sos sovenirs ; Danís, el, a vist aquela guèrra d'un pauc mai luènh, mas va lèu partir…
Se mesclan al raconte sovenirs d'enfança e activitats agricòlas d'aquel estiu plan particular.
Un polit roman intimista en occitan (lengadocian).

Detalhs

Disponible

16,00 € TTC

Detalhs

Edicion IEO Edicions
Data de publicacion : 2026
Format (a x l) : 18 x 13 cm
Colleccion A tots
Lenga : en occitan
Nombre de paginas : 316
Religadura : enquasernat, cobèrta sopla

Ne saber mai

País negat

Bernadeta Romieu

De retorn d'Argeria, Simian passa primièr qualques jorns dins la familha de Jan, son amic mòrt al combat. Trevat per çò qu'a viscut en Argeria, recòbra apès pauc a cha pauc al contacte de son país, Aubrac, e de la vida paisana, mas la garison serà lenta e dificila…

Extrach :  
"Lo vent d’autan atropelava sas nivolas e las descargava a l’entorn del solelh que s’anava jaire al mièg d’un brasièr cotonós. L’aire èra tebés, los ridèls plecats de las fenèstras polsavan leugièirament. Lo tren se rebalava dempuèi Clarmont. De segur seriá solelh colc quand arribariá en gara d’Aumont. Simian se levèt per se desengepesir las cambas : lo passatge èra liure. Faguèt davalar la vitra tesselada de posca negrosa que qualque tible i aviá pegada. Una dentela blavinèla s’estirava aquí en aval ; darrièr, luènh, l’ostal qu’aviá pas vist dempuèi tant de temps. Lo temps d’abans la guèrra, estranha guèrra que l’aviá exiliat delai la mar Mediterranèa, dins un país rosegat pel solelh. Li caldriá empresonar las paurs que mancarián pas de li retornar jos un cluèg de palha al fons de l’escura vièlha. Degun deviá pas saber la vergonha que trigossava darrièr el coma se s’èra mesclada a son ombra. Se trachèt que sarrava los punhs e sabiá pas perqué." (1 - "Retorn", p. 5).

El tanben de retorn d'Argeria, Danís a représ sas activitats de jornalista debutant. En esperant son afectacion de fotografe de premsa per un país luènh, se recabussa coma son cosin dins la vida paisana e la calor de sa familha…

La beutat de la natura, la descripcion del trabalh de la tèrra e lo raconte de sovenirs d'enfança noirisson aqueste roman polit de reconstruccion de se, de l'escritura sensibla, elaborada e d'una riquesa granda.  
En occitan lengadocian.

IEO Edicions, collection A tots.

30 autres produits dans la même catégorie :