> >Viatges - Joan Ros

EDITORS / LABELS

Autors / Interprètes

Avètz ja vist

Viatges - Joan Ros Mai grand

Viatges - Joan Ros

978-2-85910-655-3

Nòu

IEO edicions

"De la baia de San Francisco al lac Baikal, de las mars d'Arabia als golfes de la Baltica, de dintre los pòbles de Corlanda als Portugués de Clarmont, los viatges li avián fait rescontrar tant de monde desparièrs que se ne’n conflèt la memòria…"  
Es atal que l'autor evòca son narrator. Aquí son recuèlh novèl de racontes inspirat de sos viatges en Russia e en Irlanda.
En occitan (auvernhat).

Detalhs

Disponible

15,00 € TTC

Detalhs

Edicion IEO Edicions
Data de publicacion : 2026
Format (a x l) : 18 x 13 cm
Colleccion A tots
Lenga : en occitan
Nombre de paginas : 210
Religadura : enquasernat, cobèrta sopla

Ne saber mai

Viatges

Roman

Joan Ros 

Julhet de 1973 : sortits de l'escòla d'engenhaires de Nimes, tres companhs de promocion decidisson de se far una escapada en URSS abans de se metre a las causas seriosas. Es lo primièr viatge del narrator en Russia. Serà seguit de fòrces autres, professionals aquel còp, fins en 2010.
Lo raconte fa alternar los sovenirs ancians e los mai recents. S'i vei los cambiaments e las constantas dels regimes que se succedisson… Es la primièra partida del roman.

Extraches :
(Moscòu, julhet 1973) "Lo mètro moscovita nos èra lèu devengut a totes tres familiar e costumièr. Construit del temps de Stalin, monumental, conflat de marma, de dauraduras, de tablèus de mosaïca, totas las estacions èran desparèiras, coma per un rafinament sobeiran… L’interior dels vagons èra tanben fòrça confortable, e aviá pas res a envejar als mètros parisenc o londinenc ni mai nòvayorkés. Mès sobre las banquetas que costejavan las parets de la veitura, d’òmes e de femnas gris, vestits de gris, e dins un ambient gris se tenián assetats, l’agait sobre las chauçaduras en esperar l’estacion que veniá. Lo bonaür del pòble es benlèu pas dins las dauraduras e los marmes de las estacions de mètro, fuguèsson socialistas e populars" (p. 61-62).

(Moscòu, genièr 2008) "Aquò es clar que lo mètro de Moscòu a quauque pauc perdut de sa supèrba e maudespèit los marmes e los lampesièrs imperials es un pauc vielhit e testimònia de sa quita decadéncia. Al debàs de las eschalas i a pas pus de damas fòrtas per faire respectar las règlas de l’anament. Probable que lèu de camèras de reconeissença faciala faràn son trabalh (p. 63-64).

La segonda partida del roman es consacrada a Irlanda : aicí tanben, de las vacanças (quasi) improvisadas de 1976 a las visitas e als rencontres amb d'amics en 2006, los racontes altèrnan : torisme, cèrtas, mas tanben interrogacions sus l'estatut de la lenga e sus l'istòria de las luchas per la subrevida de la cultura irlandesa…

De descobrir, aquestes racontes de viatges plan interesants e actuals, que vos daissaràn pas indiferents !
En occitan d'Auvèrnhe.

IEO edicions, collecion A tots.

Veire maites obratges del meteis autor o reviraire ? Clicatz aicí : Joan Ros.

30 autres produits dans la même catégorie :