> >Larzac... Larzac... - Georges Nespoulous

EDITORS / LABELS

Autors / Interprètes

Avètz ja vist

Larzac... Larzac... - Georges Nespoulous Mai grand

Larzac... Larzac... - Georges Nespoulous

978-2-487039-05-6

Nòu

E... rau edicions

Larzac… 1961 : de joves "apelats" fan lors classas al camp militar abans de partir se batre en Argeria, mentre que de militants argerians del FLN i son embarrats. Larzac… 1973 : lo projècte d'extension del camp militar mobiliza la populacion.
Un roman que mescla ficcion (policièra) e realitat, e que remembrarà de sovenirs a d'unes legidors !
Bilingüe occitan (lengadocian)-francés.

Detalhs

Disponible

20,00 € TTC

Detalhs

Edicion E... rau ! edicions
Data de publicacion : 2026/03
Format (a x l) : 21 x 15 cm
Lenga : bilingüe occitan e francés
Nombre de paginas : 452
Religadura : enquasernat, cobèrta sopla

Ne saber mai

Larzac... Larzac...

Georges Nespoulos

2011 : Ives Pradalièr, retirat, assegura sa permanéncia al Resto du coeur de Milhau. Una collèga benevòla l'avertís qu'un vièlh se compòrta mal, mai que mai a l'esgard de las femnas musulmanas…

Extrach :
"Se dirigiguèt cap a aquel tipe que se comportava d’una faiçon tan desplasenta. […] Lo vièlh contunhava de lo gaitar. Pradalièr, el tanben, lo perdiá pas de vista. L'agach del vielhòt li faguèt escafar lo sieu sorrire fals. Sos uèlhs, d'un blau livid, mièg amagats per de parpèlas roginosas, dins un morre pallufec amb de rafiduras prigondas, lo taravelavan. Subtament, lo tipe li virèt l'esquina, rondinant qualques mots coma se parlava al can e s'alunhèt plan-planet en rebalant los pès. Pradalier anèt pas pus luènh. Aqueste agach l'aviá trebolat, destorbat.
"Dins una autra vida, li semblava aver conegut un agach parièr. Ont ? Quora ?" (capítol 1, p. 9-11).

Lo roman es bastit sus dos retorns endarrièr :  
Abril de 1961 : Ives Pradalier fa sas classas al camp militar de Larzac abans d'èsser enviat combatre en Argeria. Pauc convencut de la rason d'aquela guèrra, ajuda un de sos camaradas a far evadir del camp un membre del FLN que i es retengut presonièr. Subreven lo putsch dels generals… Dins los jorns que seguisson, mentre que los oficièrs se fan discrets, dos camaradas d’Ives desapareisson misteriosament…  
1973 : de retorn d'Argeria, ont a trabalhat dins la cooperacion, Ives Pradalier descobrís la lucha dels paisans de Larzac contra l'extension del camp militar. Primièr indecís, acaba per los rejónher. Mas s'interròga totjorn sus la disparicion d'un de sos ancians camaradas quand un cadavre es descobèrt…  
Capitaràn de descobrir lo colpable ?

Un roman que mescla la ficcion – lo personatge central, l'enigma policièra – amb la realitat : tot l'environament istoric, social e politic… D'unes i retrobaràn de sovenirs mentre que los mai joves aprendràn totas menas de causas d'aquel passat fin finala recent !

Bilingüe : tèxtes francés e occitan lengadocian cap e cap.

E... rau ! edicions.

30 autres produits dans la même catégorie :