> >Tempèsta d'enlà - La Musnegra

EDITORS / LABELS

Autors / Interprètes

Avètz ja vist

Tempèsta d'enlà - La Musnegra Mai grand

Tempèsta d'enlà - La Musnegra

978-2-487643-02-4

Nòu

Reclams

Tempèsta(s) sul Pic del Miègjorn (o Pic de Mieidia) de Bigòrra…
A dire lo verai, d'unes fenomènes celèstes estranhs son estats observats dempuèi qualques jorns per l'equipa scientifica de l'observatòri. Mas cossí se pòdon explicar ?  
Un roman de sciéncia-ficcion desalenat, en occitan (gascon).

Detalhs

Disponible

19,00 € TTC

Detalhs

Edicion Reclams
Data de publicacion : 2025
Format (a x l) : 21 x 15 cm
Lenga : en occitan
Nombre de paginas : 192
Religadura : enquasernat, cobèrta sopla

Ne saber mai

Tempèsta d'enlà

La Musnegra

Coma aqueles fenomènes estranhs semblan tocar de preferéncia los satellits, una mena de conselh de guèrra se ten a l'observatòri, entre Loïsa Caperan, astrofisiciana e directritz, lo general Març, de la Defensa nacionala e Patrice Riu, del CNES...

Aquí la situacion (extrach) :  
"Dètz dias apuish, lo fenomèn que tornè. Tostemps capvath la medisha region : brolhadís de las comunicacions quauques minutas ad arron… e desapareishuda d’un milierat de brigalhets de satellits ! E de s’i tornar, dètz dias mei tard. Aqueste còp qu’estó un pauc diferent. Tot purmèr, los aparelhs d’enregistrament que detectèn ua temperatura hauta de dus satellits de baisha altitud : satellit militar francés d’imatgeria e un satellit navèth de mesura de CO2 de l’atmosfèra.
"L’informacion que semblè desvelhar la Loïsa.  
– MicroCarb ? Lo satellit qui cartografia los parçans qui emeten o absorbeishen lo dioxid de carbòni ? Mès quin interès de se’n préner a un satellit atau. Qu’ei d’utilitat generau tau planeta ?" (p.11-12).

Requisicionada per menar un programa especial d'observacions, l'equipa de scientifics se tròba lèu copada del monde, dins l'observatòri, a mai de 2800 m d’altitud, per una tempèsta de nèu mostruosa. Perseguisson pasmens lors recèrcas, aitant qu'o pòdon...

Un roman de sciéncia-ficcion que vos tendrà en alen !
En occitan gascon.

Edicions Reclams.

30 autres produits dans la même catégorie :