> Ceseta - Emili Povilhon

EDITORS / LABELS

Autors / Interprètes

Avètz ja vist

Ceseta - Emili Povilhon Mai grand

Ceseta - Emili Povilhon

978-2-902756-23-3

Nòu

Grelh roergàs

Pel primièr còp, coma tantes de dròlles e de mainadas o faguèron abans ela, Ceseta quita sa familha e sa montanha del Segalar per s’anar logar dins una bòria gròssa de Roergue…
La revirada occitana d'un polit roman païsan d'Emile Pouvillon, de Montalban, Césette (1882), que foguèt coronat per l'Academia francesa.

Detalhs

Disponible

11,37 €

Detalhs

Edicion Grelh roergàs
Data de publicacion : 2019
Lenga : en occitan
Format (a x l) : 21 x 15 cm
Nombre de paginas : 112
Religadura : brocat, cobèrta sopla

Ne saber mai

Ceseta

Emili Povilhon (1840-1906)
revirada occitana de Miquèl Gonin e Loís Gaubèrt
illustracions d'Antoine Bourdelle.

Ceseta a 16 ans : lo moment per ela de quitar sa familha per venir sirventa dins una bòria gròssa. Arribada en cò de sos mèstres novèls, al prospèr domeni del Ramaïrel, se liga d’amistat amb Jòrdi, lo boièr. Mas quò’s de comptar pas amb la gelosiá de Rozil, l’eretièra del domeni. Jòrdi, el, trantalha e se debat, tiralhat entre sos sentiments per Ceseta e son ambicion de venir un jorn lo mèstre del ric Ramaïrel en se maridar amb l’eretièra…

Un raconte umanista amb una escritura fluida, plan renduda per la revirada. I sentèm la simpatia de l’autor per los umiles e son atencion per los biaisses de viure. Son amor de la natura e del país li inspira de polidas descripcions fòrça visualas.

Extrach :
"… Carguèt sas fardas e, agantant lo carton blau preparat e ficelat de la velha, quitèt la cambra encara tebesa e brusenta de sòm.
"Lo jorn s’anava levar. Ja las aucas cascalhejavan a la chut-chut, darrièr la pòrta tampada de lor estable, e los gals se desgargamelavan sus lor ajucador.
"Drecha sul sulhet, la man dins la man de sa maire, Ceseta envolopava d’un agach los èssers de las Amarinas, confuses jol mòl tòcament del clar de luna que lusisiá a la poncha aguda dels pinhons e blavissiá demest lo brancum, dins los pomièrs de l’òrt."

Libre illustrat per qualques uns dels dessenhs que l’escalpraire Antoine Bourdelle aviá realizats per l’edicion de 1882.
Amb un cort glossari occitan-francés.

Edicions del Grelh roergàs.

30 autres produits dans la même catégorie :