Panièr  

Ges d'article

Mandadís 0,00 €
Taxa 0,00 €
Total 0,00 €

Los prèses son TTC

Panièr Comandar

Letra d'informacion

Lo Monde perdut (oc) - A. Conan Doyle

Lo Monde perdut (oc) - A. Conan Doyle

Aquel roman d'aventuras apassionant conta l'exploracion d'un mond ont subrevivon de bèstias e d'òmes de la Preïstòria d'un temps fòrt, fòrt reculat... aquò vos recòrda quicòm ? Paregut en 1912, lo roman de sir Arthur Conan Doyle (qu'es tanben lo paire de Sherlock Homes) es evidentament una de las sorgas d'inspiracion de Jurassic Park.
En occitan (lengadocian). Per totes, a partir de 11 ans.


Mai de detalhs

15,00 € TTC

978-2-85910-582-2

Disponibilitat : Disponible

Apondre dins lo panièr

Lo mond perdut (The lost World)

Sir Arthur Conan Doyle
tèxte integral, revirat de l'anglés per Pèire Beziat.

Degun crei pas lo Professor Challenger quand ditz qu’a vist en America del Sud quicòm de meravilhós. Las pròvas ? Las a totas perdudas en camin, levat qualques unas que pareisson farlabicadas.
En mai d’aquò i a pas degun sus tèrra de mai rebelut e de mai violent. Lo jornalista Edward D. Malone ne sap quicòm, mas se rebuta pas. Quand se parla d’amodar una expedicion scientifica per anar afortir o denegar los dires del professor, se pòrta volontari per i anar.
E los vaquí partits, dos professors, un nòble aventurièr e un jornalista, a la descobèrta d’un mond perdut. Mas serà pas tot planièr que lor caldrà far la contra a la natura, a las bèstias salvatjas e mai a d’òmes-moninas.

Una aventura apassionanta, pròcha de l'univèrs de Jules Verne per son ambient "expedicion scientifica" e "mond de l'imaginari", amb de personatges atrasents. 

Extrach :
"Un piconejadís pesuc e regular subrondava lo silenci prigond. Èra lo pas de qualque animal, un ritme al còp doç e mai grèu, a la cauta-cauta. Virèt tanquillament al torn del campament, e puèi s’arrestèt prèp de la cleda de dintrada. Lo buf sord de la creatura fasiá monta-davala en fiulant. Nòstra febla randa nos separava sola d'aquesta orror venguda de la nuèit. Cadun emponhèt son fusilh e Lord John fòravièt un pichon boisson per far un trauquet dins la randa..." (capítol 11).

IEO edicions, colleccion Flor envèrsa.



  • Edicion IEO Edicions
  • Data de publicacion : 2017
  • Format (a x l) : 21 x 14 cm
  • Colleccion Flor envèrsa
  • Lenga : en occitan
  • Nombre de paginas : 240
  • Religadura : brocat, cobèrta sopla
aceptar