> >>Sonets (bil) - Bernat Manciet

EDITORS / LABELS

Autors / Interprètes

Avètz ja vist

Sonets (bil) - Bernat Manciet Mai grand

Sonets (bil) - Bernat Manciet

978-2-905213-57-0

Nòu

Jorn

Pel centenari de la naissença del poèta grand, aquí avètz la reedicion de sos sonets (mai de cent-vint) : tot un univèrs poetic, ric de coeréncia e de diversitat.  
Bilingüe : en occitan gascon amb traduccion francesa de l'autor.

Detalhs

Sèm a nos tornar provesir

20,00 € TTC

Detalhs

Edicion Jorn
Data de publicacion : 2023
Lenga : bilingüe occitan e francés
Format (a x l) : 22 x 14 cm
Nombre de paginas : 240
Religadura : enquasernat, cobèrta sopla

Ne saber mai

Sonets (Sonnets)

Bernard Manciet (1923-2005) 
version francesa de l'autor
edicion novèla 2023 revista per Guy Latry

Bernard Manciet placèt tota son òbra jol signe de son vilatge natal, Sabras, dins la Landa Granda de Gasconha, e del parlar "negre" d'aquela region, una forma de gascon del fonetisme particular que ne’n saupèt far, al fil dels ans, un estile vertadièr, e en delà, un quite mite autentic, passant atal dirèctament del local al cosmic. 
Per lor forma constrencha e l'infinitat de las variacions qu'aquesta favoriza, los sonets amassats aicí apareisson coma lo còr vibrant d'una escritura en camin.

Extrach :
"L’aubre en torment e que s’ahona e frolha
dotz de ventena dont se’n espartís
e de traucs vius l’embrada lo bastís
invariable inversada deu hoge

"e de tots prigles l’ivèrn lo despolha
de gènce enlòc empalancut païs
de major vista enluïda eslaurís
se succedint geure e que se barralha

"lo dròmer atau deu saunei au saunei
que l’illumina un en balas cabelh
mèi hautejant in.hèrn que tota lana

"mon aulom s’ès de prohon sombrejar
ennueitís-me de ton eternau vana
mès aqueth hred – Diu ! – quan arribarà ?" (p. 107). 

Una votz unica i nais, s'i ensaja a las innombrablas posturas del mond e dels mots, bastís sos pròpris ressons, n'acaba pas de provocar lo surgiment dels imatges e de las scènas que la travèrsan sens relambi. Una soma poetica qu'esposa l'immensitat del monde.

Bilingüe : tèxtes occitans e franceses cap e cap.

Edicions Jorn.

30 autres produits dans la même catégorie :