> >L'icòna dins l'iscla (1971) - Robèrt Lafont

EDITORS / LABELS

Autors / Interprètes

Avètz ja vist

Novetat L'icòna dins l'iscla - Robert Lafont Mai grand
Precedent Seguent

L'icòna dins l'iscla (1971) - Robèrt Lafont

D03

Nòu

IEO

Sèt Franceses passan lors vacanças sus una illa de la Mediterranèa, que i demòran pas qu'un coble de pescaires grècs e dos de lors amics. Esclata una guèrra atomica...
Lo primièr raconte apocaliptic en occitan (provençal).
LIBRE D'OCASION, 1èra edicion (1971) numerotada e dedicada.

Detalhs

Disponible

9,00 € TTC

Detalhs

Edicion IEO Edicions
Data de publicacion : 1971
Format (a x l) : 18 x 11 cm
Colleccion A tots
Lenga : en occitan
Nombre de paginas : 128
Religadura : enquasernat, cobèrta sopla

Ne saber mai

L'icòna dins l'iscla

Faula

Robèrt Lafont (1923-2009)

L'òbra narrativa de Robert Lafont es fondamentala : romans, novèlas e testimoniatges, vint e cinc títols en tot. Se lo roman inicial, la Vida de Joan Larsinhac (1951), marca una etapa màger dins la pròsa occitana, l’escrivan desbosiga puèi de genres que d'unes èran encara inexplorats en occitan – lo roman autobiografic (Lei Camins de la saba, 1965), lo raconte camarguenc (Li Maire d'anguilas, 1966).  
Dins L'icòna dins l'iscla (1971), Robèrt Lafont abòrda la ficcion apocaliptica, primièr raconte de fin del monde d'una longa seria.

Extrach (debuta del raconte) : 
"A cima de rega se revira l’atalatge e se tòrna començar la conquista paciènta dau tèmps. Antau s’escriu pèr laurar lis oras. Pèr durar. Quant fai de setmanadas que dure d’aquela maniera ? Tres ò quatre, que prene setèmbre. M’arrèste d’escriure a la nuech, me i grope mai a l’auba. M’aplante pèr me passejar sus l’iscla, perfiechament sol, sèns espèr d’una vòtz d’òme, d’un quilar d’aucèu, d’un rondinar d’avion. M’aplante pèr tirar una consèrva dau molonet qu’a dicha se demesís, pèr la dobrir, pèr mastegar lentament frucha ò carn en agachant l’orizont ara vuege, solelhós, esplendid. Tòrne a la rega. Ai abenat un gredon, mai n’aviáu tres de resèrva. Amb tot lo papier qu’ai recampat, farai tirar de tèmps encara. Sabe qu’escriurai après qu’aguèsse plus rèn pèr brifar, de tant que ma man aurà pron de fòrça, l’esperit pron de clartat. Passada la rara de la fam, l’escrich m’acompanharà luenh sus lo camin de ma mòrt..."

LIBRE D'OCASION : edicions Institut d'Estudis occitans, colleccion Pròsa, 1971, Nimes. Format 12,8 x 19 cm, enquasernat.
1ra edicion del roman, numerotada n° 000002, amb dedicacion de Robert Lafont sus la pagina de títol. Cobèrta portant de marcas d'usatge, interior perfièch.

Veire maites libres de Robèrt Lafont.

28 autres produits dans la même catégorie :