EDITORS / LABELS

Autors / Interprètes

Avètz ja vist

Jaume e Antonin al temps de la crosada - R. Roaldés

DRLD03j

Ocasion

Dos soldats occitans fòrt pauc bellicoses, Jaume e Antonin... en fàcia d'eles, de soldats franceses perduts, dins aquel país desconegut que ne comprenon pas la lenga...  
Una seria de dessenhs umoristics sus un subjècte susprenent : la Crosada contra los Catars.  
En occitan.  
LIBRE ANCIAN : edicion Lo Libre occitan, 1967. Edicion numerotada.

Detalhs

Disponible

20,85 €

Detalhs

Edicion Lo Libre occitan
Data de publicacion : 1967
Lenga : en occitan
Format (a x l) : 31 x 21 cm
Nombre de paginas : 80
Religadura : Portfolio non relié

Ne saber mai

Jaume e Antonin al temps de la Crosada

Robèrt Roaldés (dessenhs e legendas)
prefaci de Carles Camprós 

Un recuèlh de dessenhs d'umor sus la guèrra contra los Catars.
I trobaretz los dessenhs risolièrs de Robèrt Roaldés regropats dins los capítols seguents : 
1 - La guèrra, 2 - La vida de soldat, 3 - Lo sèti, 4 - La resisténcia, 5 - Lo dur mestièr d'esclairaire.

Causir un subjècte d'umor coma aquel pòt trucar, e mai èsser èsser qualificat coma "sacrilègi" o "negacionisme".
Aquí avètz çò que Carles Camprós, universitari, grand militant de la causa occitanae resistent se-meteis, respond d'avança a aquela controvèrsia :
"La guèrra, los guerrièrs, n’es matièra de rire ? E la Resisténcia ? E la Crosada, la contra los Albigeses ? N’es mestièr de rire ? […] Sacrilègi ? De segur, asfortiràn los que fan moneda, per de títols de presidents o per de croses de la Legion d’onor, del sovenir dels companhs mòrts dins la lucha ; o los que se vòlon la consciència bona en se fardant los sentiments bons […]
"De cap de biais, nòstres Jaume e Antonin, un mai lipa-tèrra, l’autre un bricon mai naseja-cèl, son pas ges de patriòtas. En cap d’endrech nos dison se sabon que combaton per quicòm que ne val lo còp. De segur o sabon pas que son ni mai senhors ni mai oficièrs d’armas. E los afars de l’Estat, los arregarda pas… Question es de viure, de s’ajudar un l’autre de resquilhar a la mòrt e als fotrals, de faire pas que le mal que non se pòt non pas faire… [Una] negacion totala de l’eroïsme : l’eroïsme de Jaume e d’Antonin, aquò’s de pas jamai sortir de sa pèl d’òme…" (Prefaci, p. 5 a 8).

Fin finala, aqueste recuèlh de dessenhs umoristics pro iconoclastas es tanben un document suls debats que se menavan per l'occitanisme abans 1968.  
En occitan lengadocian.

LIBRE ANCIAN : edicions Lo Libre occitan, 1967Format in-4°, portfòlio de 6 quasèrns pas religats, presentat dins un cofret entelat. Edicion numerotada (image 4, plan en grand).
Estat : embostiatge amb de traças d'usatge e d'umiditat (image 1). Camisa tacada, un pauc estraçada mas petaçada (image 2). Interior (quasèrns) en estat perfach (image 3).

26 autres produits dans la même catégorie :