EDITORS / LABELS

Autors / Interprètes

Avètz ja vist

La Santa Estela del Centenari - Jean Boudou Mai grand

La Santa Estèla del Centenari - Joan Bodon

D03LDc

Nòu

IEO edicions

Joan Bodon n'acaba pas jamai de susprene son lector ! Après La Grava sul camin (1956), aquí avètz un raconte composit que nos mena del roman d'iniciacion al conte fantastic… e qu'es tanben una allegoria de l'avenidor de la lenga d'òc.
En occitan.

Detalhs

Disponible

7,00 € TTC

Detalhs

Edicion Editions du Rouergue
Data de publicacion : 1990
Colleccion Òbras de Joan Bodon
Lenga : en occitan
Format (a x l) : 19 x 11 cm
Nombre de paginas : 254
Religadura : enquasernat, cobèrta sopla

Ne saber mai

La Santa Estela del Centenari

Joan Bodon (1920-1975)
Preambule e prefaci de Pierre Canivenc

Atal comença lo raconte (extraches) : 
"... Alara comprenguèri. Aqueles òmes èran de fats, òc, de fats en passejada, e l’òme gròs que los menava èra lo gardian.
Lo grand bèl magre, pr’aquò, me tornèt sarrar lo braç. Ara se plorava :
– Monsen, me reconeissètz pas ? Vos sovenètz pas de ieu, que nos trobèrem en Avinhon per la Santa Estèla del Centenari ? [...]
"Prompte, lo grand bèl magre tirèt de la saqueta un paquet espés plegat de papièr negre. Lo me metèt suls genolhs :
– Tenètz. Tenètz, prenètz lo. Dempuèi que soi aicí lo portavi sus ieu. A dieu siatz !
[...]
"Puèi, quand me tornèri trobar tot sol amb la menina dins la vièlha aubèrga d'Olemps, lo dubriguèri.
"Dedins i aviá tres quasèrns, tres quasèrns escriches." (Prològ, p. 13-14)

Aqueles tres quasèrns contan çò qu'es arribat al "grand bèl magre" : Ambròsi, jove factor roergàs afogat de poesia, aviá compausat qualques poèmas en occitan que deviá legir a la granda fèsta felibrenca, la Santa Estèla del Centenari, a Nimes. La fèsta s'acaba per un rambalh gigantesc. Nafrat, Ambròsi es alara embarcat per d’aventuras misteriosas que viran pauc a cha pauc al roman de sciéncia-ficcion, e mai al conte fantastic...

Una allegoria de l'avenidor uman dins un mond de maquinas, cèrtas, mas tanben un roman d'una estetica plan contemporanèa, la del pegatge (roman d'iniciacion puèi de sciéncia-ficcion puèi enquèsta policièra) e mai que mai un roman que nos questiona : qué ne serà de la lenga d'òc ?

En occitan lengadocian.

Edicions de Roergue.

Veire maitas òbras de Joan Bodon.

Veire la presentacion del libre sus Oc Tele per Géraud Delbés.

30 autres produits dans la même catégorie :

Les clients qui ont acheté ce produit ont également acheté...