> Mistèri - Sèrgi Gairal

EDITORS / LABELS

Autors / Interprètes

Avètz ja vist

Novetat Mistèri - Sèrgi Gairal Mai grand

Mistèri - Sèrgi Gairal

978-2902756-50-6

Nòu

Grelh roergàs

Un dissabte de ser, dins una discotèca, pròcha de l’aurièra d’un bòsc, a qualques quilomètres de la vila... Quatre amics son venguts passar la serada, e puèi, subte, tot se destraca : Celina a desaparegut ! 
Per adolescents e adultes, un roman d'enquèsta en occitan (lengadocian).

Detalhs

Disponible

14,00 € TTC

Detalhs

Edicion Grelh roergàs
Data de publicacion : 2026
Format (a x l) : 21 x 15 cm
Lenga : en occitan
Nombre de paginas : 161
Religadura : enquasernat, cobèrta sopla

Ne saber mai

Mistèri

Sèrgi Gairal

Celina, 22 ans, caissièra al Subremercat del Centre, e Florenç, 23 ans, pizzaiòlo carrièra de la Republica – se van pacsar lèu – venon passar la serada amb d'amics a l'Esquiròl fòl, una discotèca plan frequentada pels joves de la vila vesina, e pròcha de l'aurièra d'un bòsc…

Extrach :
"Per aquel bòsc serpenteja un riu que mena a un lac natural a dos quilomètres e mièg de la discotèca, un lac qu’òm ne pòt far lo torn en una ora e mièja a doas oras, segon lo biais de caminar o de córrer. Dins la jornada, subretot l'estiu, i venon de visitaires ordinaris, de familhas, de joves e de vièlhs, per passar un moment en plena natura e respirar un aire pus sanitós que non pas lo de la vila. D'unes ne profitan per manjar sus plaça, per vespertinar, dins una clarièra lo pus sovent, que n'i a tres o quatre qu’òm las creiriá fachas per aquò, una subretot, de forma perfièchament circulara, una curiositat naturala…
"I venon tanben de boscassièrs, de pescaires, que lo riu rebofa de trochas e trogans. Demest eles, i a Rick, seissanta sèt ans, una figura de la vila […]
"Aquel bòsc […] recep regularament la visita dels gendarmas, sovent alertats per qualque passejaire a prepaus de 'causas' suspèctas, plan mai que non pas d'èrbas o de fuèlhas prautidas… (p. 7-8). 

Cap a doas oras del matin, Celina desapareis e non reapareis pas… Una disparicion inquietanta e incomprensibla !
Seguiretz l'enquèsta menada per sos amics e sa familha, lors sentiments e lor ànsia. De son costat la Gendarmariá lança tanben de recèrcas…

Per joves e adultes, un roman en occitan lengadocian.

Edicions del Grelh roergàs.

Per veire maites libres del meteis autor, clicatz aicí : Sèrgi Gairal.

30 autres produits dans la même catégorie :