> >Le Roman de Flamenca (bil) - (Anonime)

EDITORS / LABELS

Autors / Interprètes

Avètz ja vist

Flamenca (bil) - (Anonyme) Mai grand

Le Roman de Flamenca (bil) - (Anonime)

978-2-917111-99-4

Nòu

L'Aucèu libre

La plan polida Flamenca esposa Archimbault, que s'afonsa lèu dins una gelosiá malautissa e embarra la dòna dins una torre... Mas es comptar sens l'ardor del sedusent Guilhem !
Un joièl de la literatura d'òc medievala que ne’n presaretz l’encantament d'autant mai que lo poiretz legir tanben en occitan modèrne dins l'adaptacion de M Stenta.  
Version integrala, bilingüa.

Detalhs

Disponible

38,00 € TTC

Detalhs

Edicion L'Aucèu libre
Data de publicacion : 2026/05
Format (a x l) : 18,5 x 13 cm
Colleccion Recalieu
Lenga : bilingüe occitan e francés
Nombre de paginas : 472
Religadura : religat, cartonat

Ne saber mai

Le Roman de Flamenca (autor anonime)

Adaptacion en occitan modèrne e revirada francesa 
per Miquèla Stenta
segon lo tèxt establit per R. Lavaud e R. Nelli
Introduccion de Georg Kremnitz

Escrich probablament a la debuta del sègle 13, segon las recèrcas recentas de J. P. Chambon, Lo Roman de Flamenca es un cap d'òbra de la literatura d'òc.

L'accion se debana en màger partida a Borbon l'Archambault, vila termala dont los banhs auràn qualque importància.
La polida Flamenca es estada maridada per son paire al senhor Archimbault, plan amorós d'ela. Mas Archimbaut es lèu ganhat per la gelosiá, al ponch d'embarrar son esposa dins una torre dont pòt pas sortir que pels oficis religioses e los banhs.
Es mentre qu'un jove cavalièr dotat de totas las perfeccions, Guilhem de Nevèrs, apren lo sòrt de la presonièra. Ven a Borbon e s'enamora d'ela. Seguís alara lo camin de l'amor cortés e decidís de tot entreprene per arribar fins a la dòna. Tasca de long alen, que d’empachas multiplas s'opausan a son projècte…

Amplificacion narrativa dels castia-gelos (castigs de geloses) anteriors, l'òbra analisa las torturas qu'endura e fa endurar a son entorn un marit injustament gelós que, en sequestrant sa femna, met en plaça, sens o saber, totas las condicions propícias a l'aveniment de çò que crenh. Seguiretz d'un autre costat amb plaser la liberacion progressiva de l'eroïna.

"An vist dins aquela òbra un roman istoric", escriviá Carles Campros,"un estudi de costumas, la glorificacion d'un tip novèl de cavalièr, lo roman de la teoria e de la practica de l'amor cortés, un subtil 'art d'aimar', lo miralh d'una civilizacion pròcha de desaparéisser... Qué que ne siá, lo talent plegadís e variat de l'autor, siá dins lo tablèu colorat de las costumas, siá dins la pintura dels sentiments de l'amor e de la gelosiá, o encara dins la concepcion e lo desplegament de l'intriga, fa de Flamenca un incontestable cap d'òbra."

Una polida edicion bilingua : tèxtes occitan e francés cap e cap, amb a la fin del libre un extrach de Le Roman de Flamenca, un art d'aimer occitanien du 13e siècle, de René Nelli e de nòtas.
Libre polit, religat de cuèr verd escur, esquina e títol en letratge daurat.

Edicion L'Aucèu libre & CREDDO-CPM.

30 autres produits dans la même catégorie :