> Bruga, feuse e genèsta - Jòrdi Peladan

EDITORS / LABELS

Autors / Interprètes

Avètz ja vist

Bruga, feuse e genèsta - Jòrdi Peladan Mai grand

Bruga, feuse e genèsta - Jòrdi Peladan

978-2-85910-649-2

Nòu

IEO edicions

Una enquèsta novèla de la detectiva privada Margarida Cercamond. Se debana dins las Cevenas, segur : un murtre lo long del Camin de Stevenson, sus fons de massacre ecologic… mas cossí e perqué la victima es arribada aquí ?
Un roman policièr en occitan (lengadocian).

Detalhs

Disponible

14,22 €

Detalhs

Edicion IEO Edicions
Data de publicacion : 2024
Format (a x l) : 18 x 13,5 cm
Colleccion A tots
Lenga : en occitan
Nombre de paginas : 200
Religadura : enquasernat, cobèrta sopla

Ne saber mai

Bruga, feuse e genèsta

Jòrdi Peladan

Tot comença per l'istòria d'un vièlh camp cevenòl tornat a l'estat salvatge...

Extrach :
"D’aquel luòc, l’Albèrt n’èra proprietari e de quora en quora al temps de sa joinessa, i menava sas cabras que culhissián a son grat e dins una causida sabenta e misteriosa, fuèlhas frescas, castanhas, aglands o bauca. Lo dindar de las esquilas ressonava dins lo silenci de la natura. Un silenci trebolat un temps de cridas de gaches o de tartanas o del teunhe fregadís de las fuèlhas secas al passatge d’una bestieta espaurida. S’enairavan de còps de paraulas o de rires venguts del Stevenson, lo camin de passejada, que passava a ras. […] A la vista de l’Albèrt e de son cabrum, mantuns dels pelegrins arrestavan son pas e aquel de son ase se ne menavan un, per escambiar amb lo pastre. Sol dins sa vida, l’Albèrt presava aquelas convèrsas que traucavan sa solesa." (p. 10).

Mas un incendi destrutz aquel compés polit. Alara Albert replanta de pins doglàs : una ressorsa avenidoira quand serà vièlh, çò pensa. 40 ans mai tard, descobrís subte que li an raubat son bòsc !
Venguts constatar lo pilhatge, los gendarmas descobrisson non luènh lo cadavre d'una jove… la filha d'una abitanta del vilatge vesin, amiga de Marguerite Cercamond.

Seguiretz la dobla enquèsta de la detectiva privada e de la gendarmariá. Una enquèsta sinuosa, entre passat e present, region parisenca, Normandia e Cevenas, cinèma del costat de MeToo e secutament escolar...

Un roman policièr de legir a temps e léser per son estile drud e mai, justament, per sos bestorns, en occitan lengadocian.

IEO edicions, colleccion A tots Crimis.

Veire d'autres libres de l'autor ? Clicatz aicí : Jòrdi Peladan.

30 autres produits dans la même catégorie :