> >A l'ombra dels cerièisses bèles - Bernadeta Romieu

EDITORS / LABELS

Autors / Interprètes

Avètz ja vist

A l'ombra dels cerièisses bèles - Bernadeta Romieu Mai grand

A l'ombra dels cerièisses bèles - Bernadeta Romieu

978-2-85910-633-1

Nòu

IEO edicions

Una istòria de familha, contada un jorn a Flavian per son grand, Benedit, e una question : a pas pus de novèlas de Rosan, son filhòl, partit un jorn après una brèva disputa amb el.
Flavian es encargat de lo retrobar… mission malaisida, e mai siá reportaire de guèrra !
Un roman d'auèi que vos tendrà en alen.

Detalhs

Disponible

15,17 €

Detalhs

Edicion IEO Edicions
Data de publicacion : 2021
Colleccion A tots
Lenga : en occitan
Format (a x l) : 18 x 13,5 cm
Nombre de paginas : 168
Religadura : Brocat, cobèrta sopla, jos jaqueta illustrada

Ne saber mai

A l'ombra dels cerièisses bèles

Bernadeta Romieu

La cerièreda de la bòria de las Fontanèlas, es una longa istòria de familha, contada un jorn de prima a Flavian per son grand, Benedit. Mas es sobretot l’escasença de li fisar lo lagui que lo rosega dempuèi fòrça annadas : Rosan, son filhòl, s’ensalvèt un jorn après una brèva disputa amb el. Las novèlas se faguèron de mai en mai escarsas e un jorn pas pus res… Flavian serà encargat de lo retrobar e de lo far tornar.
Mas cossí apariar son mestièr de reportaire de guèrra que li daissa pas grand relambi e aquela cèrca incertana ? L’escomesa es granda mas una promessa es una promessa e mai li calga se gandir luènh, talament luènh...

Extrach :
"Flavian sorisiá en se remembrant cossí sa maire èra l’anma de l’ostal amb son caractèr gadal e afogat. Afonsat dins sas pensadas, se trachèt tot bel just a temps de la bretèla de sortida dels ‘Vilatges de l’Aubrac’. D'aquí enlà se sentiá al país. Aicí la lutz se fasiá pus linda e sotalinhava suavament tota causa. Disiá totjorn a sos amics qualque pauc dubitatius que passava la frontièra de la lutz quand s’entornava al país. ‘Es pr’aquò que tas fòtos son totjorn plan endevengudas : as l’engenh de la lutz !’ li disiá sovent son amic Felipe.
"Pel moment la lutz primaverenca s’anava atupir dins los espandis grisencs de la montanha. L’ivèrn s’esperlongava e lo lessiu grisolàs de la desnevada embugava l'èrba rabinada per las torradas. Èra coma se lo país se desfarfolhava de son demai de tristum que la nèu avíá ofegat tot lo manne del long ivèrn." (p. 11)

Un roman contemporanèu, del ritme sostengut, entre passat e present, que vos farà viatjar pel monde, de Roergue a l'Imalaia, en passar per Alep en guèrra.

IEO edicions, colleccion A tots.

30 autres produits dans la même catégorie :