> >>Lettres de la Félibresse rouge... - Rose Blin-Mioch

EDITORS / LABELS

Autors / Interprètes

Avètz ja vist

Novetat Lettres de la Félibresse rouge... - Rose Blin-Mioch Mai grand

Lettres de la Félibresse rouge... - Rose Blin-Mioch

978-236781-019-5

Nòu

Presses universitaires de la Méditerranée (PULM)

Aqueste obratge presenta la biografia de Lydie Wilson, aquela "femna desconeguda" que foguèt l'una de las primièras felibressas, seguida de l'edicion critica d'una cinquantena de sas letras, ont se legisson totes los enjòcs socials e politics de l'epòca.    
Un retrach polit de femna, en francés.

Detalhs

Disponible

24,00 € TTC

Detalhs

Edicion PULM
Data de publicacion : 2013/11
Format (a x l) : 24 x 16 cm
Colleccion Estudis occitans
Lenga : en francés
Nombre de paginas : 336
Religadura : enquasernat, cobèrta sopla

Ne saber mai

Lettres de la Félibresse rouge Lydie Wilson de Ricard (1850-1880)

edicion critica establida per Rose Blin-Mioch

Lydie Wilson s'installa a Montpelhièr en 1874 après son maridatge amb Louis-Xavier de Ricard (1842-1911). Aquel coble de Parisencs va fondar amb lo poèta Auguste Fourès (1848-1891) lo Felibritge lengadocian e editar pendent tres ans un almanac, La Lauseta, noirit de l'istòria dels trobadors e de las idèas republicanas e federalistas.

La correspondéncia adreçada al poèta audenc que l'a batejada "Na Dulciorella", a Mistral, a son marit e a sa familha, torna sa plaça a una femna del sègle 19 que sa vida brèva foguèt intensa e engatjada. Sas letras testimònian dels enjòcs de l'epòca : amnistia dels communards, dont son marit fasiá partida, question del maridatge e del divòrci e condicion de las femnas. I vesèm nàisser l'amor partejat de Fourès e de Jeanne Wilson, sa sòrre.
Poëtessa, es meravilhada per la natura e la lenga del Miègjorn, apren lo dialècte de Montpelhièr, serà una de las tres femnas editadas dins la Revue des langues romanes a sas debutas e serà premiada en 1878 pendent las Fèstas latinas.

Legiretz dins aquel obratge primièr un estudi biografic e bibliografic de l'autora d’Aux bords du Lez, recuèlh postum de sas òbras en francés e lengadocian paregut en çò de Lemerre a París en 1891. Puèi l'edicion critica d'una cinquantena de letras. 
La tresena partida compòrta d'annèxes divèrses : letras de sos correspondents, indèx,  bibliografia… (per consultar l'ensenhador, clicatz sus l'onglet "telecargament").

Un polit estudi bilingüe : en francés, amb citacions en occitan (grafia mistralenca) seguidas de lor revirada francesa.

Edicions Presses universitaires de la Méditerranée (PULM), colleccion Estudis occitans.

Per veire d'autres livres de Rose Blin-Mioch, clicatz aicí : Terre/Tèrra   Femmes rebelles d'oc

Telecargament

Lettres de la félibresse

Telecargament (369.16k)

30 autres produits dans la même catégorie :