> >Le Petit Thalamus de Montpellier (bil) - Collectiu

EDITORS / LABELS

Autors / Interprètes

Avètz ja vist

Le Petit Thalamus (bil) Mai grand

Le Petit Thalamus de Montpellier (bil) - Collectiu

978-2-36781-501-5

Nòu

Presses universitaires de la Méditerranée (PULM)

Lo Petit Thalamus, los "Annals occitans", constituís la version mai complèta de la mai anciana cronica urbana redigida dins una lenga vernaculara de l'Euròpa medievala, l'occitan lengadocian. Mai de 200 ans d'istòria de Montpelhièr a l'Edat Mejana i son contats : un testimoniatge excepcional.
Un polit libre religat, bilingüe.

Detalhs

48,00 € TTC

Detalhs

Edicion PULM
Data de publicacion : 2024
Format (a x l) : 25 x 21 cm
Colleccion Histoire et société
Lenga : bilingüe occitan e francés
Nombre de paginas : 714
Religadura : religat, cartonat

Ne saber mai

Le Petit Thalamus de Montpellier - Les "Annales occitanes"

Édition, traduction et commentaire historique

Obratge coordinat per Gilda Caïti-Russo e Daniel Lo Blévec  
amb la collaboracion de Florence Clavaud

Conservats als Archius municipals de Montpelhièr dins lo codèx AA 9 dich Le Petit Thalamus, los "Annals occitans" son la fusion dels registres consolars e de listas d'eveniments. Constituïsson la version mai complèta de la mai anciana cronica urbana redigida dins una lenga vernaculara de l'Euròpa medievala.  
Representan non solament un testimoniatge lingüistic excepcional, una font istorica de primièra importància mai tanben un naut luòc de la memòria collectiva, un "document-monument", segon lo mot de Jacques Le Goff. Es tot un univèrs urban dobèrt sus la Mediterranèa que pren atal forma per la narracion de sas guèrras, sas epidèmias, sas fèstas e sas pregàrias… lo tot contat dins una lenga d'òc rica e poderosa.

Aquesta edicion es eissida de la relectura de l'edicion numerica qu'aculhís l'ensemble de la tradicion manuscrita dels thalami montpelhierencs (los libres del governament de la vila). Lo projècte, inicialament labellizat per l'Agéncia nacionala de la recèrca (A.N.R.), amassèt d'istorianas e istorians, de lingüistas, de cercairas e cercaires de divèrsas generacions e nacionalitats.

I trobaretz, après una introduccion pluridisciplinària, lo tèxt original del Petit Thalamus amb revirada francesa cap e cap, seguit de nòtas istoricas e de l'indèx dels noms de luòcs e de personas.  
Veire lo somari : imatge 2.

L'obratge a recebut lo Prèmi de las Antiquitats de França 2024, decernit per l'Acadèmia de las Inscripcions e Belles Letras, que distinguís cada annada un obratge avent contribuït a metre en valor lo patrimòni monumental o escrich de França.

Edicions Presses universitaires de la Méditerranée, colleccion Histoire et sociétés.

30 autres produits dans la même catégorie :