Per joves a partir de 10 ans e mai pels adultes (que lor agradarà plan tanben !), la version occitana d'Avril et le monde truqué, grand film d’aventuras : accion, amor, umor, suspense, trobalhas visualas de longa, dialògs de tria e plan vius, ritme trepidant, pas res i manca... lo tot dins lo bèl univèrs visual de Jacques Tardi.
En occitan (podètz activar los sostítols en francés).
realizacion de Christian Desmares e Franck Ekinci
creacion e univèrs grafic de Tardi
amb las voses de Jòrdi Besombes, Joan-Loís Blenet, Sylvan Carrèra, Cecila Chapduelh, Ives Durand, Pierrick Bordenave, Emilie Esquerré, Danis Galvier, Alban Garròs, Pèir-Arnaut Grosclaude Laspléchère, Hélio Labadie, Laurent Labadie, Violette Labadie, Delphine Lafon, Mario Peperoni, Olivier Pijasson, Céline Ricard, Guilhem Surpas.
1941 a París. Abril es una jove orfanèla que sos parents an desaparegut misteriosament, coma totes los scientifics dempuèi 70 ans. Dins un monde trucat sens cap d’arbre, d’electricitat o encara de ràdio, Abril passa las jornadas en cèrca de sos parents e d’una formula scientifica que podriá reviscolar la natura. Amb son cat Darwin, que parla, fa lo rescontre d’un jove galapian que s’apèla Julius. Amassa, van ensajar de far lo lum sus aqueles mistèris d’un monde trucat : qual rauba los sabents ? Per quanha tòca ?
Amb son estèreo e surround 5.1, bonus e sostítols, a vòstra causida.
Una produccion Je suis bien content-Studio Canal, e Conta'm per la version occitana.
Per veire la benda anóncia en occitan, clicatz aicí.
