Pels joves a partir de 11 ans e los mai bèls – e mai los adultes – nòu aventuras extrachas del Roman de Rainart e reviradas en occitan (lengadocian). De que descobrir o tornar descobrir aquesta òbra patrimoniala màger dins l'atge mejan e sos ligams amb lo monde dels trobadors.
Anonime, d'après lo tèxte d'òil analisat per Hélène Briu
presentacion per Hélène Briu,
abans dire de Pascal Sarpoulet
adaptacion en occitan lengadocian per Sèrgi Carles.
Destinat a un public larg, e pas sonca als enfants, Lo Roman de Renart es una parodia de cançon de gèsta que se trufa del poder, del clergat e d'unas practicas socialas.
Aguèt tre la fin del sègle 12 un succès tal que d'unes de nòstres trobadors i fan allusion, coma Pèire Cardenal per exemple. Tre 1180 son escrichas de transposicions en alemand, en neerlandés, en anglés, en italian... que fan dintrar las aventuras de Rainart e d'Isengrin dins lo patrimòni literari europenc.
Lo libròt polit presenta nòu extrachs d'aqueste raconte rebofant :
- La creacion de Rainart e d'Isengrin
- Cantaclar
- Rainart, Tibert e l'iala
- Cossí Rainart faguèt tonsurar Isengrin
- Cossí Rainart faguèt pescar las anguilas a Isengrin
- La mission de Brun l’ors
- Rainart crosat
- Lo sèti de Maupertús
- La mòrt de Rainart.
Cada capítol es illustrat per una de las paginas del subrebèl manuscrit 12584 de la Bibliotèca nacionala de França, que se faguèt entre 1301 e 1350.
En occitan lengadocian, amb frisa cronologica e lexic occitan-francés.
Edicions Canopé, colleccion Cap'òc.
Veire tanben la version en nòrd occitan (lemosin).
