> >>Tant s'empòrta... la tramontana - A. Jouve, F. Vernet

EDITORS / LABELS

Autors / Interprètes

Avètz ja vist

Novetat Tant s'empòrta... la tramontana - A. Jouve, F. Vernet Mai grand

Tant s'empòrta... la tramontana - A. Jouve, F. Vernet

978-2-85910-657-7

Nòu

IEO edicions

Lo darrièr roman, a quatre mans, de Florian Vernet, una saga familiala e televisuala (?) que vira a la cacofonia deliranta…
Amusatz-vos !
En occitan (lengadocian).

Detalhs

Disponible

14,00 € TTC

Detalhs

Edicion IEO Edicions
Data de publicacion : 2026
Format (a x l) : 18 x 13,5 cm
Colleccion A tots
Lenga : en occitan
Nombre de paginas : 122
Religadura : enquasernat, cobèrta sopla

Ne saber mai

Tant s'empòrta... la tramontana

Roman

Anne Jouve e Florian Vernet

Aquí avètz un roman jos forma de scenari escrich per una saga televisada. Los autors, Angèla e Frederic, son dos joves inscriches en mastèr a l'universitat d'Ais de Provença, amics dempuèi la terminala. Volrián vendre lor scenari a de societats de television generalista… Aquí lor declaracion d'intencion.

Extrach :   
"L’istòria que vos anam contar non daissarà de segur degun indiferent fàcia al destin de personatges fascinants, entraïnats sovent contra lor volontat, dins lo revolum d’un monde impietadós. Una vièlha e nòbla família, un lòc edenic aitant que prestigiós, parièrament confrontats als enjòcs de la modernitat, al desfís d’una adaptacion necessàaria, vitala, a un temps, a de valors, a de practicas mondializadas e a de comportaments que [...] li fan córrer la risca de pèrdre lor identitat prigonda, e pièger, de los veire desparéisser. Los episòdis e los eveniments que vos convidam a seguir amb nosautres, an una basa mai que reala e son lo resultat d’una enquèsta menada al prèp de testimònis dirèctes." (p. 7, "En guisa de prològue").

Doncas al castèl provençal de Sant Uc entornejat per vinhals e bòsques, viu la familha del meteis nom : l'aujòla Esclarmonda, que sos 99 ans l’empachan pas d'anar a la caça, son filh, lo baron Alari, teoricament encargat de la gestion del domeni, e los bessons del baron, Audoard e Auròra. Son servits, entre maites, per una jove majordòm estatsuniana, Samantha, qu'a un filh de 10 ans… Mas la nòbla familha a qualques laguis d'argent… Brèu, tot es en plaça per una saga familiala genre FR3.

Mas aqueles personatges escapan lèu a nòstres dos joves autors : la saga qu'an imaginada vira a la cacofonia deliranta e satirica.  
Un raconte borlesc e francament comic, en occitan lengadocian.

IEO edicions, colleccion A tots.

Per veire d'autres libres de l'autor, clicatz aicí : Florian Vernet.

30 autres produits dans la même catégorie :