La Bòria delh bestial - George Orwell, trad. J.-D. Roux

La Bòria delh bestial (Animal Farm)

George Orwell
revirada occitana de Jean-D. Roux
illustracions de Georges Sarre.

Exasperats pels mals suènhs que sos mèstres lor fan patir, las bèstias d'una bòria se rebellan e bandisson los umans. Van essajar d’inventar una societat novèla, mai justa e mai frairenala, ont poiràn viure en patz, sens èsser esclaus de degun. Enfin liures, nòstras bèstias se rotlan pel rosal, brostan l'èrba tendra, estabosits per tant de bonaür. La vida vertadièra pòt començar puèi que, ara « totas las bèstias son egalas ».
Estrambordats, trabalhan per metre en valor aquela bòria qu’es venguda la bòria lor, la Bòria delh bestial, mas pauc a pauc, mai assabentats e mai fins, los pòrcs Napoleon, Bolladeneu e Quilaire se van prendre lo poder... 

L’una de las fòrças del libre es d’ofrir mai d’un nivèl de lectura, aquí perqué pòt èsser legit a quanhe atge que siá : del conte de bèstias viu e colorat pels mai joves a una satira ferotja de las revolucions traïdas pels adultes, cadun i trobarà un plaser vertadièr.
Rai, un dels melhors contes satirics que foguèt pas jamai escrichs.

Edicion Ostal del libre, colleccion Racontes.

Aimariatz tanben d'aver una revirada francesa ? Clicatz aicí : La Ferme des animaux.
Vos prepausèm tanben una edicion bilingüa anglés-francés : Animal farm, la Ferme des animaux.