> >Las set Filhas dau Diable (+ CD) - Micheu Chapduelh

EDITORS / LABELS

Autors / Interprètes

Avètz ja vist

Las set Filhas dau Diable (+ CD) - Micheu Chapduelh Mai grand

Las set Filhas dau Diable (+ CD) - Micheu Chapduelh

978-2-917451-49-6

Nòu

Novelum - IEO Perigòrd

Un recuèlh novèl de vint e dos contes de Micheu Chapduelh : de contes de totas menas, venguts, cèrtas, de la tradicion mas tanben de l'imaginacion de l'autor – qu'es, o sabèm, un fin contaire. De contes que son plan d'uèi e quitament de deman. 
En occitan (lemosin), amb CD.

Detalhs

Disponible

18,01 €

Detalhs

Edicion Novelum-IEO Périgord
Data de publicacion : 2023
Format (a x l) : 24 x 16 cm
Lenga : en occitan
Nombre de paginas : 178
Religadura : enquasernat, cobèrta sopla
Durada : 2 CD : total de + de 120 min
Nombre de títols : CD 1 : 4 + CD 2 : 3.
Presentacion : Amb CD inserit dins lo libre

Ne saber mai

Las set Filhas dau Diable, ETLD* (amb 2 CD)

Contes d'ièr a doman

Micheu Chapduelh

Après Grizzly-John (1997) e La Fada multicarta (2011), aquí lo tresen recuèlh de contes de l'autor.    
El meteis los classa en dotze "contes de primièra man", que pareguèron dins de revistas, e son de tonalitats plan divèrsas, qu'an pas gaire a veire amb la tradicion. Venon puèi quatre "contes collectats a bocins", qu'a sarcits, pedaçats e quitament brodats a sonj biais. Son de totas las colors : fantastic, comic, borlesc, satiric, erotic… E puèi sièis "contes persistents" dels contes de la nuèch dels tempses a los quals a fach patir un "tractament radicau", çò ditz.

Extrach (debuta de Cendroska, p. 151) :
"Eran vesins de terra e de prat, lo país de la Pita Orsa e lo país de la Granda Orsa.  
"La Pita Orsa semenava de las flors, fasiá venir de las abelhas e recoltava de miau per benleu quinze autres país. La Granda Orsa s'afialava las dents e s'agusava los onglons. Aviá res a far de las flors e, tanben, las abelhas avián res a far de la Granda Orsa. E la Granda Orsa mancava de miau a se botar jos sas dents afialadas. Trobava que quò era una injustícia, e disiá e mai proclamava que quò era a queu qu'aviá las dents las mai lonjas que reveniá lo miau. E, fòrta de quilhs principis, decidet d'envasir la Pita Orsa.    
"Tot fuguèt fuòc e cendre, sang e paur. Lo Chamin de las Floretas devenguet lo Chamin de las Minas antipersonalas..."

En occitan lemosin, amb dos CD : i ausiretz una causida de sèt contes legits per Micheu Chapduelh (mai de doas oras d'enregistrament) que regaudirà los amators de contes, de bona lenga e tanben los aprendisses en occitan.

*ETLD : E tot lo demai.

Edicions Novelum-IEO Perigòrd.

Veire tanben Grizzly John,   La Fada multicarta 
e los autres libres de Micheu Chapduelh

30 autres produits dans la même catégorie :

Les clients qui ont acheté ce produit ont également acheté...