> >>De fuòc amb de cendre 2 – Pèire Pessamessa

EDITORS / LABELS

Autors / Interprètes

Avètz ja vist

Novetat De fuòc amb de cendre 2 – Pierre Pessemesse Mai grand

De fuòc amb de cendre 2 – Pèire Pessamessa

Nòu

IEO edicions

Segond volum de la trilogia De fuòc amb de cendre, aqueste roman ven en seguida d'Onze oras passadas de cinc : los dos joves Provençals engatjats per idealisme dins la SS vivon los darrièrs jorns de lor division... es la derrota e la fugida.  
En occitan (provençal).  
Edicion originala, 1976. 

Detalhs

Disponible

6,50 € TTC

Detalhs

Edicion IEO Edicions
Data de publicacion : 1976
Format (a x l) : 18 x 11 cm
Colleccion A tots
Lenga : en occitan
Nombre de paginas : 240
Religadura : enquasernat, cobèrta sopla

Ne saber mai

De fuòc amb de cendre (volume 2) : Lo refugiat

Pèire Pessamessa (1931-2018)

Engatjats dins la Waffen SS per bastir Euròpa dels joves – almens o cresián – los dos (anti)eròis, Pierre e Norbert an combatut sul front rus, en Bielorussia (estiu 1944). I an descobèrt la realitat de la guèrra e rasejat la mòrt (volum 1). Fugisson primièr los Russes, puèi los Occidentals.
En aquel ivèrn 1945, corron una Euròpa en roïnas, al mièg de refugiats de totas menas : desertors de l'armada alemanda, armadas dels Aliats, abitants caçats pels bombardaments, salvats del STO o subrevivents de camps d'exterminacion, tota una armada de "pesolhoses afamats" ...
La fugida ten de donar vam a l'òbra romanesca, mentre qu'al fial de rencontres multiples espelís un agach critic de Pèire sus son engatjament nazi.

Extrach : 
"... Ara, ai comprés. Es pas de uèi que pòrti dins ieu lo mieu retorn au païs, l'ai totjorn agut aquí, dins la pòcha de l’estomac, un gròs codonh. Lo dieu escondut que fulmina e ulhauceja s'un còp es pas entendut, e que vos manda barrutlar sensa fin dins lei campàs dau sovenir e de l’enfança recobrada. Lo païs d'òc qu'es immortal, etèrne, coma un còp de ponh que t’esclafís la tèsta e que, tu, te'n garisses jamai.
"L’endeman, enfin, li aguèt lo soleu de l’estiu e pougueriam sortir d'aquesta preson d'aiga e de joncs. Totun agueriam encara de patolhar doas oras dins aquela marrida palunalha.
"E puèi coma se la natura se foguèsse espandida, coma una benurança, d'un còp vegueriam leis Alps, ailamondaut coma una blanquetat immaculada..."

L’errància los menarà fins a las vals occitanas d'Itàlia.

En occitan provençal, amb qualques passatges en provençal alpin.

Veire los autres libres de la trilogia : Onze oras passadas de cinc (volum 1) e Espaci nòu (volum 3).

30 autres produits dans la même catégorie :