> >Sinèra e la mòstra d'òr - Andrieu Lagarda

EDITORS / LABELS

Autors / Interprètes

Avètz ja vist

Sinèra - Andrieu Lagarda Mai grand

Sinèra e la mòstra d'òr - Andrieu Lagarda

978-2-37863-056-0

Nòu

Letras d'òc

L'itinerari d'un òme del pòble, entre sègles 19 e 20 : tota la vida d'un mestieral que li cal s’adaptar a las mutacions tecnicas e economicas, en quitant son vilatjòt de la montanha d'Arièja per la vila… Un dels libres dels mai escasuts de l'autor.  
En occitan (amb lexic).

Detalhs

Disponible

21,33 €

Detalhs

Edicion Letras d'òc
Data de publicacion : 2023
Format (a x l) : 21 x 15 cm
Lenga : en occitan
Nombre de paginas : 256
Religadura : enquasernat, cobèrta sopla

Ne saber mai

Sinèra e la mòstra d'òr (edicion novèla)

Andrieu Lagarda

Es tota la vida de Sinèra que se debana dins aquel raconte, de las descobèrtas meravilhadas d'un drollet curiós de tot çò que l'environa duscas a las capitadas de l'adulte qu'a sabut ganhar son independéncia materiala, en passant pel temps de l'escòla e los desbordaments de la joventut, fèstas e regaudiments, aventuras e capitadas, mas tanben crentas, dramas e malaürs…

Mai, lo libre conta una istòria vertadièra, coma l'explica l'autor (Extrach) :  
"Aicí l’istòria d`un òme del pòble, un òme ordinari, de carn e d’òsses, que visquèt doas mitats de sègles, abans e aprèp 1990. D’aquela existéncia tota simpla, ne doni la primièra part gràcias als remembres qu’el me contèt dins son vielhum, a tròces e bocins, quand pendent las annadas 50 li teniái companha al pè del fòc en fulhetant la sia memòria coma un libre.  
"Tot çò qu’ai amassat de sos testimoniatges sus sa vida, sus son temps, sus son país, o ai apariat e mes en fòrma en sarrant al pus prèp las nòtas presas alavetz, per ne far un raconte seguit que siá, siquenon la realitat autentica, tot al mens la relacion fidèla que se’n podiá obténer a travèrs sos sovenirs.  
"L’istòria, escrita per passadas, abandonada e represa mai de dètz còps al cors de mai de quaranta ans, èra pas estada mesa negre sus blanc per èsser divulgada [...] Sàpia lo que cèrca de literatura que dins aiceste raconte ne trobarà pas. Los mots i son pas adobats per 'far polit' mas solament per 'dire' : […] se contenta de la paraula justa…" (p. 7, Avertiment).

Pas cap de literatura, al pus mai de "l'art naïf", çò ditz Andrieu Lagarda ? Mas quanh art de contar, quanha lenga, druda e viva ! Un plaser de lectura vertadièr.  
En occitan lengadocian (d'Arièja) amb lexic occitan-francés.

Edicions Letras d'òc. 

Veire maites libres d'Andrieu Lagarda.

30 autres produits dans la même catégorie :

Les clients qui ont acheté ce produit ont également acheté...