EDITORS / LABELS

Autors / Interprètes

Avètz ja vist

Vida de Joan Larsinhac - Robert Lafont Mai grand

Vida de Joan Larsinhac - Robert Lafont

IDE036

Nòu

IEO edicions

Lo primièr roman de Robèrt Lafont (1951) que fa intrar la literatura occitana dins la modernitat. Conta dins una lenga sòbria los torments d’un estudiant pendent la segonda guèrra mondiala. Pel primièr còp sens dobte, la pròsa occitana explòra un passat immediat, qu’es encara present al moment de la publicacion.
Un grand classic de la literatura d’òc modèrna.
En occitan (provençal).

 

Detalhs

Disponible

5,21 €

Detalhs

Edicion IEO Edicions
Data de publicacion : 1978
Colleccion A tots
Lenga : en occitan
Format (a x l) : 18 x 11 cm
Nombre de paginas : 106
Religadura : brocat, cobèrta sopla

Ne saber mai

Vida de Joan Larsinhac

Robèrt Lafont (1923-2009)

Après la mòrt de Joan Larsinhac, tuat per d’Alemands a la fin de la segonda guèrra mondiala, son amic d’enfança, Pèire, ensaja de reconstituïr çò qu’èra sa vida, dins los moments recents qu’èran desseparats, amb l’ajuda d’un autre amic que l’acompanhava quand moriguèt e d’un jornal intime escrich per Joan se meteis.

Extrach :
"Acabada la montada, un bofe d’aura nos tenguèt espelofits. Lo cèu èra larg e lisc, furnat de vènt e d’automne. Rogier diguèt : 'Aicí siám'.
"Tocant lo camin, virada vers la comba jauna e roja, i aviá una lausa simpla. Sus la pèira una man sèns biais aviá pintat : 'Aicí moriguèt afuselhat pèr l’enemic, Joan Larsinhac, que li disián Joanet'. Quauqui margaridas s’èran passidas dins una caisseta de fèr rovilhada..." (p. 11, debuta del raconte).

Dedicat "i joves de mon temps", lo raconte vòl èsser l’image "d’una generacion qu’avançava a paupas dins l’escur de la guèrra". Escrich dins una lenga volontàriament sòbria – l’autor se meteis ditz que s’èra impausat una "escritura de l’economia extrèma" – aqueste obratge ganhèt lo Prèmi de las Letras Occitanas en 1950.

En occitan (provençal).

IEO edicions, colleccion A tots.

30 autres produits dans la même catégorie :

Les clients qui ont acheté ce produit ont également acheté...