Dictada occitana del país d’ORLHAC

Aurillac - Orlhac, Mur de Barrez – Lo Mur, Montsalvy - Montsalvi, Pléaux - Pleus, Saint-Martin Valmeroux – Sant Martin Grand,
La Roquebrou – La Ròca Bro

Tèxte : «Pèire sens paur», Enric Dommèrgues,
tirat de la revista Lo Cobreto n°10
del 7/10/1895

      L-i aviá un còp un senhor del país d’Orlhac qu’aviá tres filhs. Totes tres èran òmes fachs e aqu’èra tres solides mascles. Lo senhor aviá una brava bòria. Al mièg de la bòria l-i aviá un castèl, e al torn del castèl un verdièr coma s’en vei pas gaire ; * l-i se vesiá dels aubres de tota sòrta : dels perièrs cabretaires, dels perièrs fondents, dels pomièrs de La Laubia, dels pomièrs carabins, dels prunièrs Reina Glauda e un tropèl d’autres aubres de bona espeça que res de les dire ne’n badariatz. ** Aquò que vos vòle contar se passava la darreiriá, entre Sant Miquèl e Sant Guiral. La frucha èra madura e lo senhor s’entrachèt un brave matin que quauqu’un èra anat vesitar son verdièr pendent la nuèch ; li aviá pres mai d’un sac de peras fondentas. Èra furiós. ***

* Fin de la dictada dels debutants (49 mots).
** Fin de la dictada dels mejans (93 mots).
*** Fin de la dictada dels confirmats (142 mots).

 


 ?

?Dictada occitana de SANT-FLOR
? (lo 31 de genièr de 2015)


Tèxte : « L’acampada dins la granja»,
tirat de La Bòria delh bestial, G. Orwell,
revirat en occitan per Joan Ros
 (chapítol promièr, p. 10-11),
edicions Ostal del libre, 2014.

    Lèu-lèu, las autras bèstias arribèron e se pausèron comòdas, chascuna de son biais.
    Promièr, venguèron los tres chins Flòra, Perlina e Labrit, puèi los pòrcs, que se jasèron dins la palha a ras la platafòrma.* Las polas se joquèron sobre la posterla de la fenèstra, los pijons volèron als tavèrs de la teulada, las fedas e las vachas se jasèron darrièr los pòrcs e comencèron de raunhar.** Los dos chavals de charri, Grandàs e Brava, arribèron de cotria, en caminar a cha-pauc e abaissant amb tot plen de cura sas gròssas batas peludas en se mesfisar que ges de bestionas fuguèsson pas chabidas dins la palha. Brava èra una polida èga polinaira qu’aprochava un atge mejan, e que dempuèi la naissença de son quatren polin aviá pas tornat trobar sa siloèta d’autres còps. Grandàs èra una bestiassa enòrma, gaireben dètz palms de naut, e tant fòrt coma un parelh jonht de chavals ordinaris.***

 

* Fin de la dictada dels debutants (35 mots).
** Fin de la dictada dels mejans (67 mots).
*** Fin de la dictada dels confirmats (153 mots).?

En poursuivant votre navigation sur ce site, vous devez accepter l’utilisation et l'écriture de Cookies sur votre appareil connecté. Ces Cookies (petits fichiers texte) permettent de suivre votre navigation, actualiser votre panier, vous reconnaitre lors de votre prochaine visite et sécuriser votre connexion. Pour en savoir plus et paramétrer les traceurs: http://www.cnil.fr/vos-obligations/sites-web-cookies-et-autres-traceurs/que-dit-la-loi/

J'accepte