Fabricantes

Autors / Interprètes

Avètz ja vist

Metaf(r)iccions a Collisioncity - Florian Vernet Mai grand

Metaf(r)iccions a Collisioncity - Florian Vernet

978-2-85910-610-2

Nòu

IEO edicions

Lo polar novèl de Florian Vernet : Fabian Valada, detectiu privat, es encargat per l'òme mai ric de la vila de retrobar sa maire, desapareguda d'un ostal de retirada luxuós. Es que capitarà de resòlvre l’afar en collaborar amb la genta inspectritz Rachel Bajazet ?
En occitan.

Detalhs

Disponible

14,22 €

Detalhs

Edicion IEO Edicions
Data de publicacion : 2020
Format (a x l) : 18 x 13,5 cm
Colleccion Crimis
Lenga : en occitan
Nombre de paginas : 172
Religadura : brocat, cobèrta sopla

Ne saber mai

Metaf(r)iccions a Collisioncity

Florian Vernet

Fabian Valada, detectiu privat "facultatiu" (coma se qualifica se-meteis) e autor de scenaris per serias televisadas, es encargat de retrobar la maire de l'òme mai ric de la vila, qu’es desapareguda de l’ostal de retirada luxuós ont demorava. Descobrís lèu-lèu qu'en realitat son quatre, los residents que se son evaporats. E mai, de fach, raubats o escapats ?
Es que la collaboracion del privat amb la genta inspectritz Rachel Bajazet li permetrà de resòlvre aqueste afar ?

Extrach :
(En tornar d'una escorreguda en montanha, nòstre eròi recep una telefonada.)
"Una votz d’ostessa (dins l’estil aeropòrt internacional, puslèu, pas de las del 3615 'En lebreta') se presenta. Compreni pas tròp al nom de quina entitat perque lo sigle m’escapa. Se desnecusa de me destorbar tan tard e mai un dimenge, e me demanda se me seriá pas possible de passar (sembla considerar que vau acceptar sens discutir) al domicili 'personal' de Sénher Trastèja-Maganha (Gerard de son prenom), dins la matinada del diluns, digam vèrs nòu oras. Al domicili 'personal', o auretz notat, valent a dire a son castèl a la campanha […]
L’entrevista – çò ditz per m’agranar, tanplan – poiriá desbocar sus un contracte e un engatjament chucós. De tota menan, se ne sortís pas res d’aquesta entrevista, mon desplaçament me serà pagat tin-tin.
"E aquí, forçadament, cal que vos explique. Trastèja-Maganha, aquí un mot que fa ofici de mot de Santa Clara dins los mitans informats, e mai non informats del canton. Quand demoratz a Collisioncity, avètz pas besonh d'anar furgar sus Wikipedia : lo gus es conegut coma los OGM. Es lo personatge mai ric de la vila, e foguèsse pas que de la vila, seriá ja quicòm. Es de fach una de las grandas fortunas de la region Occitania, un òme influent, gaireben inaccessible al vulgum pecus..."
(capítol I, p. 15)

Una enquèsta que ne presaretz los destorns e las scènas d'accion, contada dins l’estil familiar e plen d'umor qu’es la marca de l'autor.

IEO edicions, colleccion Crimis.

30 autres produits dans la même catégorie :