Flor de brossa - Arsèni Vermenosa

Flora de brossa

Arsèni Vermenosa (1850-1910)

Un recuèlh de poèmas inspirats de las excursions de l'autor pel campèstre e de son activitat de caçaire ; d'autres meton en scèna la vida de l'ostalada e pintran lo retrach de son monde : familha, domesticas, vesins... d'autres encara reprenon dels contes. 
Poèta d'Auvèrnhe, Vermenosa o gausèt èsser plenament ; a pas res renegat de sa "montanha borruda" que pintra en vèrs plens, drudes, d'un realisme vigorós, que sabon pr’aquò demorar lirics.

Extrach : 
"Ièu pòrte pas totjorn, quand torne de la caça,
Lèbre, perdigal o becassa, 
Mès si tròbe plus res, pels puèchs o pels travèrs,
I culhisse au mens fòrça vèrs.
A plenas mans e per dotzenas,
Dels vèrs de brossa, que senton la sauvatgina..." (Ondont e cossí fa sos vèrs lo capiscol , p. 17)

"Aqueste orgulhós es del costat de la paurilha… Vermenosa a l’uèlh agusat… Perdrem pas nostre temps en tornar legir Vermenosa. » (Ives Roqueta, dins En occitan, une histoire buissonnière de la littérature d'oc).

Una reedicion en grafia classica de l'òbra occitana del Felibre cantalés segon l'edicion originala de 1896, amb nòtas de vocabulari en fons de pagina.
En occitan lengadocian, illustracions en negre e blanc de Felip Sabatier.

Edicion IEO Cantal - Ostal del libre, colleccion A tots.

Veire maites libres d'Arsèni Vermenosa.

Consultar la biografia de l'autor sus Occitanica.