EDITORS / LABELS

Autors / Interprètes

Avètz ja vist

Teatre - Max Roqueta Mai grand

Teatre - Max Roqueta

978-2-37863-030-0

Nòu

Letras d'òc

Era esperat, aqueste recuèlh de cinc pèças de teatre de Max Roqueta, ineditas o de tròp mal trobar. De la farça a la fadariá, en passar per l'oratorio-opèra... un ramelet de mots, de personatges e de sentiments que nos pertòcan al pus prigond.
De descobrir e de jogar !

Detalhs

Disponible

27,00 € TTC

Detalhs

Edicion Letras d'òc
Data de publicacion : 2020
Lenga : en occitan
Format (a x l) : 21 x 15 cm
Nombre de paginas : 448
Religadura : brocat, cobèrta sopla amb rebats

Ne saber mai

Teatre

Max Roqueta (1908-2005)

Revirat en francés, puèi dins fòrça maitas lengas, Max Roqueta a aquesit pauc a pauc una larga notorietat internacionala. En mai de la pròsa e de la poësia, lo teatre èra una de sas passions e un demòra un aspècte important de son òbra, puèi que daissa setze pèças de teatre acabadas.

Aquesta edicion preciosa ne presenta cinc, de genres diferents, que tres foguèron pas jamai editadas :
- La Pastorala dels volurs
 : una nuèch de Nadal, dos vagabonds son albergats per un parelh de païsans riques qu'espèran ben escrocar...
- La Podra d’embòrnia
 : lo ser d’una victòria de Venècia contra los Turcs, la Comtessa souffle una podra magica als uèlhs de l'amiral venceire, çò que lo deu far venir amorós d'ela... mas ren se debanarà pas coma previst !
- Canta-Loba
: après la casuda de Montsegur, la Loba de Puègnautièr sosca als jorns uroses de sa jovença, al temps de l’esplendor de la civilizacion occitana...
- La Ròsa bengali
 : la nuèch, dins una selva plena de meravilhas, un jove vagabond sarra un pache amb un aucèl magic... una fadariá semenada de cançons.
- La Gruma e la Sau
, autra fadariá, solelhada aquesta : sus l'iscla de Magalona, del temps del naut atge mejan, un jove monge e una serena s’enamoran un de l'autre...

L’edicion d’aquestas cinc pèças de teatre de l’autor de Medelha (Médée) permetrà als amators de literatura occitana de legir una part essenciala de l’òbra de Max Roqueta.

En introduccion, una interessanta presentacion de las cinc òbras per Joan-Claudi Foret.

Edicions Letras d'òc.

24 autres produits dans la même catégorie :

Les clients qui ont acheté ce produit ont également acheté...