Los ignorants (oc) - E. Davodeau, C. Lhéritier

Un vinhairon a cò d'un autor de benda dessenhada, mai un autor de benda dessenhada dins la vinha... resulta : dos ignorants ! Cossí, perqué, e per qual faire de libres o de vin ? Las responsas a aquestas questions, aquò's lo raconte viu e gaujós d'una initiacion crosada. Vos prepausam aicí la version occitana d'aquel roman graphic regaudissent.


Mai de detalhs

25,00 € TTC

978-2-9557958-0-4

Apondre dins lo panièr

Los ignorants : raconte d'una iniciacion crosada

Etienne Davodeau
revirada occitana de Corinne Lhéritier.

Autor de bendas dessenhadas, Étienne Davodeau ne'n sap pas gaire del monde del vin. Vinhairon, Richard Leroy a quasiment pas jamai legit de bendas dessenhadas. Mas aqueles d'aquí son totes dos de bona volontat e plan curioses.
Perqué se causís de se vodar la vida a escriure e dessenhar de libres o a produsir  vin ? Cossí e per qual se fa aital ?
Mai d'una annada de temps, per respondre a aquelas questions, Étienne anèt trabalhar dins las vinhas e la cava de Richard, que, en retorn, cabussèt dins lo monde de la benda dessenhada. Dubriguèron fòrça botelhas e legiguèron fòrça libres. Se passegèron, anèron rescontrar autors e vinhairons apassionats per son mestièr.
E se existissián tant de biaisses de realizar un libre que n'i a de produire de vin ? Etienne Davodeau constata que l'un coma l'autre an lo poder, necite e preciós, de ressarrar los èstres umans. Es lo raconte gaujós d'una initiacion crosada que vos prepausa aqueste polit roman graphic.

En occitan (lengadocian), amb l'ajuda de Josiana Ubaud pel vocabulari del vin e de la vinha.

Edicion occitana per l'associacion Terrairòl (edicion originala en francés : Futuropolis).



  • Edicion Terrairol
  • Data de publicacion : 2016
  • Format (a x l) : 26,5 x 19,5 cm
  • Lenga : en occitan
  • Nombre de paginas : 272
  • Religadura : brocat, cobèrta sopla
aceptar