Poésies de Norib - Pierre Biron

Poésies de Norib - Pierre Biron

Lo prumièr volum de la reedicion de l'òbra de Pèire Biron (alias Norib), escrivan occitan del país de Sant-Flor : semenava sas poësias dins los jornals del temps, noirissent la Planèsa d'escriches divèrses, contes, cronicas, fablèls, legendas…

Mai de detalhs

32,00 € TTC

978-2-9537327-2-6

Disponibilitat : Disponible

Apondre dins lo panièr

Poésies de Norib

Pèire Biron
edicion de Nadal Lafon, reviradas de Luciana Lafon
illustracions de Daniel Brugès

Pèire Biron (1861-1941), "Norib" en literatura, foguèt lauraire tota sa vida sus sa  borieta pichona de La Gasela, comuna d’Anglars de Sant-Flor.     
Autodidacte testard, estonant per sas coneissenças classicas e modèrnas e per la dubertura de son esperit, legissiá e escriviá a la velhada o l’ivèrn, semenant sas poësias dins los jornals del temps, noirissent la Planèsa d'escriches divèrses, contes, cronicas, fablèls, legendas… al punt que son òbra es auèi la sorça escricha màger de parlar auvernhat autentic entre Chantal e Marjarida.
Lo poèta Eugène Fournier saludava son talent aital : 
"Sabètz amb la ploma
  Desfelcir coma toma
  Nòste lengatge demolit…"
Posa mai que mai son inspiracion dins la noblesa del lauraire, la beutat de la natura, la grandor del trabalh, l’aspiracion a la frairetat. Es sensible a las causas essencialas, la mòrt, l’alegria de la prima, que l'empachan pas de percebre la comedia umana nimai de faire una lectura sociala del real.

Escampilhats dins uèch o nòu jornals pendent 45 annadas, sos tèxtes d’un umanisme generós, reconegut per sos contemporanèus e los estudis ulteriors, demoravan de mal trobar.
Son presentats aicí en grafia originala e en grafia classica, respectuosa de la lenga de l’autor, amb lor revirada francesa en fàcia.
La biografia, la presentacion generala e las nòtas precisan l’istòria literària en Planèsa pel periòde que ne se tracta.

Del meteis autor, veire tanben Proses de Norib.

Edition Lo Convise.

  • Edicion Lo Convise
  • Data de publicacion : 2012
  • Format (a x l) : 24 x 14,5 cm
  • Lenga : bilingüe occitan e francés
  • Nombre de paginas : 720
  • Religadura : brocat, cobèrta sopla
aceptar