Mièja-Gauta - Max Roqueta

Mièja-Gauta - Max Roqueta

Un vast roman que Max Roqueta manegèt d'annadas de temps e que podèm considerar coma una de sas òbras màgers.

Mai de detalhs

15,00 € TTC

978-2-84974-114-6

Disponibilitat : Disponible

Apondre dins lo panièr

Mièja-Gauta, o lo gentilòme de veire

Max Rouquette

Mièja-Gauta (Lo gentilòme de veire) apareis en 1989 dins la lista de las òbras per paréisser que figura dins la prumièira edicion de Medelha. En 2002, Max Roqueta  metiá en òrdre aquel vast roman qu'aviá escrich per bocins sus de desenats d'annadas. Lo considerava a bèles uòlhs vesents coma una de sas òbras importantas.
"Mièja-Gauta tal que l'avèm ara entre las mans es un libre dau ritme planièr, de la construccion volontàriament neblosa, que l'autor, se vei, l'a remanejat trenta ans de temps coma un palimpsèst.
A mon vejaire, Mièja-Gauta es una de las òbras màgers de Max Roqueta. Ten una plaça centrala dins l'edifici, e n'esclaira mai d'un aspècte. Es tanben una faula de tot l'engatjament d'escrivan d'aquel autor, utopic acarnassiment a donar una cara a una cultura sens cara. Coma los patetics gentilòmes de veire que ges de dire pòt pas enclaure. Magicians e maudiches. E aquela quista abotís a culir una voluptat requista sus l'òrle dau nonrés." (Joan-Frederic Brun)

Extrait :
" Aquí demorèrem un temps arrestats, a remirar la paret longa de mai de vint passes ont s'espompissiá lo relòtge de solelh. Son det de fèrre agut tirava, ara, son ombra de la luna. S'i vesiá coma au plen dau jorn. Aquela ombra dau temps s'alongava de la man de l'ubac e s'anava perdre dins las tacas de ronha de l'engrepit ancian qu'espandissián adejà son mau sus la paret. Ont, pasmens, lo rebat d'eternitat pertot present, rebombissiá de pertot e negava tot dins un mond de semblanças sens carn ni òsses. "

Edicions Trabucaire, colleccion Domaine occitan.

  • Edicion Trabucaire
  • Data de publicacion : 2010
  • Format (a x l) : 22 x 14 cm
  • Colleccion Pròsa occitana
  • Lenga : en occitan
  • Nombre de paginas : 280
  • Religadura : brocat, cobèrta sopla
aceptar