Dictionnaire fr-oc de Margeride - Jean Jouve

Pedagogic e plen de vida, un obratge fach per mostrar la riquesa del parlar occitan de Marjarida (Cantal) e o rendre accessible al mai de monde possible, seguit de quinze racontes saboroses en occitan inspirats per la vida e lo monde del país, en edicion bilingüa occitan-francés.

Mai de detalhs

28,00 € TTC

978-2-914662-22-2

Disponibilitat : Disponible

Apondre dins lo panièr

Dictionnaire français-occitan de Margeride

seguit de

A la farja, en tirant lo bofet

Joan Jove
dessenhs de Bernat Maffre.

Lo Dictionnaire français-occitan de Margeride ten mai de 15000 intradas (mots e expressions de Marjarida). Cada mot occitan es seguit d’una representacion de la prononciacion locala e, sovent, de dires tradicionals.

Mai Joan Jove èra tanben una sorga inagotabla de sovenirs e de racontes, que disiá evidentament en occitan. Lo lector poirà legir a la seguida del diccionari un quinzenat d'aqueles tèxtes de sa man, A la farja, en tirant lo bofet / A la forge en tirant le soufflet, acompanhats de la revirada francesa, que ne'n gostarà tota la sabor mai la riquesa etnografica.

L'autor : nascut en 1932 a Lobaressa, al còr de la Marjarida cantalesa, ont visquèt tota sa vida, Joan Jove recebèt lo "patoes" de sa familha : aprenguèt pas lo francés qu'a l'escòla. Adulte, reprenguèt la farga de son paire, en tot sabent s'adaptar a l'arribada del material agricòla modèrne.
Sos engatjaments per salvagardar lo patrimòni e la culture occitana de Marjarida, amb l'Ecomusèu, lo mènan a entreprene, a la fin de las annadas 1990, un diccionari francés-occitan, per perpetuar la lenga nòstra que sap qu'es en dangièr.
Dins lo mesme temps, escriu de racontes e anecdòtas (sovent viscuts), que Lo Convise ne publicarà una part, e anima lo grop local d’occitan creat per l'Institut d’Estudis occitans del Cantal.
Joan Jove defunta en 2013, daissant son obratge en espèra d'èstre publicat. Una pichona còla d'Amics de l'Ecomusèu de Marjarida decidís a aquel moment, per li faire omenatge, d'aduire l'òbra a son tèrme mai de l'enriquesir dels tèxtes qu’aviá escrichs.


Una coedicion Les Amis de l'Ecomusée de Margeride - L'Ostal del libre, colleccion Obradors.



  • Edicion Amis de l'Ecomusée de Margeride - Ostal del libre
  • Data de publicacion : 2017
  • Format (a x l) : 19 x 14 cm
  • Colleccion Obradors
  • Lenga : bilingüe occitan e francés
  • Nombre de paginas : a l'entorn de 500
  • Religadura : brocat, cobèrta sopla
aceptar