De libres en occitan o bilingües, de totas las sòrtas : contes, romans e racontes, poësia, teatre... nòstre patrimòni literari e de qué agradar a totes.
Soscategorias
Contes populars de tradicion orala e contes d'escrivans : una part bèla de la cultura occitana.
Aicí trobaretz de romans de totas sòrtas (grands classics occitans, romans d'aventuras o d'amor, policièrs, SF...) e de racontes variats, autobiografics o non, tot en occitan o bilingües.
Poèmas en vèrses o de pròsa, ancians o modèrnes, dels trobadors al sègle 21.
Lo teatre occitan patrimonial o modèrne : comedias, farsas, dramas, dels grands classics a las comedias patesejantas... de pèças per legir e per jogar.
Istòrias de la literatura occitana, antologias per legir o per escotar, biografias d'escrivans, estudis literaris.
De tèxtes del monde entièr e de totas las epòcas revirats en occitan.
Referéncia : 978-2-917451-39-7
Editor, Labèl Novelum - IEO Perigòrd
Lo polar novèl de Joan Ganhaire : sièis enquestas de pas creirede Gaëtan Caüsac, antan brilhant comissari de polícia, ara retirat, pas en estat flame flame, çò que l’empacha pas de s’èsser reconvertit en enquestaire privat. Que volètz, las vocacions, òm pòt pas gaire i anar contra… Per astre es ajudat per una còla causida... En occitan (lemosin).
Referéncia : 978-2-902756-33-9
Editor, Labèl Grelh roergàs
Los reponchons ? Lo Tamus communis, que s’amassa en familha a la prima e s’aprèsta a l’ostal… Mas ne’n vira pas aicí de botanica, ni de cosina, puèi que se tracha d’un roman. Aquò’s l’istòria de Vic (Victòria), de sos 7 ans a sos 23 ans, e de sas relacions amb los reponchons… e los òmes. Per joves e adultes. Mistèri garantit ! Bilingüe : occitan...
Referéncia : 978-2-917111-69-7
Editor, Labèl L'Aucèu libre
Un roman contemporanèu, que se debana dins un borg de Gard que l'autor n’a manlevat l’encastre per dessenhar una fresca sociala agredoça, una sòrta de thriller : una refugiada curda, Dilà, s’i escond e tròba un grop qu’accèpta de li ajudar. Mas la violéncia monta, atisada per un gropuscule d’extrèma-drecha : un truc entre mondes a l'escala d'una vilòta......
Referéncia : 978-2-9576489-6-2
Editor, Labèl E... rau edicions
Martin e Julian son amics dempuèi l’enfança, gaireben fraires. Mas un drama a tresvirat la vida de Martin quand fasiá sos 11 ans : la desparicion subita e inexplicada de sos parents, cercaires reconeguts en matematicas... Pels joves de 12 a 97 ans (o mai !), un roman d'anticipacion en occitan (lengadocian) pas forçadament optimista, mas escrich amb tot...
Referéncia : 978-2-9576489-8-6
Editor, Labèl E... rau edicions
Ela, es occitana, especialista dels trobadors ; el, es ongarés, musician e cantaire. La fin’amor al sègle 21… Es possible ? Es vivable ? Un roman brèu, poetic e delicat, en occitan (lengadocian).
Referéncia : 978-2-37863-038-6
Editor, Labèl Letras d'òc
Vint e quatre contes de la tradicion populara occitana e mai de l'ensemble de las tradicions europèas, amassats aicí pels mainatges qu'aprenon l'occitan.En occitan (lengadocian) amb CD.
Referéncia : 978-2-37863-006-5
Editor, Labèl Letras d'òc
Vint e quatre contes de la tradicion populara occitana e mai de l'ensemble de las tradicions europèas, amassats aicí pels mainatges qu'aprenon l'occitan.Un libre per escotar, en occitan (lengadocian) format mp3.
Referéncia : 979-10-92382-82-2
Editor, Labèl Edite-moi !
En quatre novèlas, un image de la crudeltat de nòstre monde e un crit de revòlta contra l’inacceptable. Bilingüe occitan (lengadocian)-francés.
Referéncia : 978-2-913238-15-2
Editor, Labèl Edicions dau Chamin de Sent Jaume
Una intrada polida cap a l'òbra de Marcelle Delpastre : mai de 130 tèxtes corts, escriches de 1962 a 1987. De poèmas en pròsa, en vèrs o en versets, dels aforismes, de las baladas, de las fabletas…inclassificables e pasmens tan rics. En francés.
Referéncia : LCDSJ006
Editor, Labèl Edicions dau Chamin de Sent Jaume
Poèta e memorialista, Marcela Delpastre foguèt tanben una etnografa de tria de la cultura sieuna. N’es testimòni aqueste CD doble de collectatge pro excepcional : s’i ausís Marcela Delpastre que canta una partida de son repertòri de cançons tradicionalas lemosinas plan granat.
Referéncia : 978-2-901975-08-3
Referéncia : 979-10-92153-22-4
Editor, Labèl IEO Lengadòc
Pels mainatges a partir de 4 ans, sèt peçòtas de teatre bilingüas occitan-francés, de lor jogar (vos cal vos lançar !) o de lor faire veire… en convidant la Companhiá Gargamèla