Aqueste preciós "Trésor des mots" es lo resultat de quaranta annadas de collècta al près del mond vièlh del vilatge de Rivelh, a las bòlas d'Arièja e d'Aude. I se tròba una mina d'expressions imajadas, granadas o poëticas, que pòrtan tota la saba de la paraula occitana.
Un obratge qu'es de fòrt mal trobar auèi. Vos prepausam qualques exemplaris nòus (mas n'i a pas gaire).
Dictionnaire du parler de Rivel (Aude), augmenté du complément "Encara n'i a..."
Andriu Lagarda (André Lagarde)
Prèmi Pau Froment 1992
Resultat d'una collècta que durèt quaranta annadas, dins aqueste vilatge de las bolas d'Arièja e d'Aude qu'es lo brèç de sa familha, l'obratge recampa mai de 18000 mots, locucions expressions idiomaticas, dictons, provèrbs, etc. acompanhats de lor explicacion o de la revirada francesa.
Aital se dessenha en filigrana lo retrach de la comunitat pre-pirenenca pròcha de Montsegur, amb sas activitats agricolas, sas pichonas industrias tipicas ara passadas, sas mors, sos biais de viure, sas tradicions, sas cresenças...
Mai son interès passa largament las limitas del luòc d'enquèsta : plan luènh de Rivelh, en tèrra d'òc, cadun i poirà conéisser una proporcion plan bèla de tèrmes e d'expressions emplegats dins lo canton sieu.
Una pròva de l'unitat fondamentala de la lenga, al delai las diferéncias que fan tota sa riquesa.
A la fin del libre, lo complement "Encara n'i a" (1994) apòrta 4000 mots, locucions e provèrbes novèls.
LIBRE NÒU : coedicion Escòla occitana - Institut d'Estudis occitans d'Aude, 3a edicion (2006).
