Un florilègi culhit dins l'òbra poëtica d'aqueste trobador engatjat, moralista, rebèl, que denóncia las mors politicas e eclesiasticas de son epòca. Una poësia de testimoniatge e de combat, de descobrir !
Bilingüe.
Chansons et sirventès de Peire Cardenal
Presentacion e revirada per Yves Leclair
Nascut en 1180 al Puèi-de-Velai e mòrt gaireben centenari en 1278 a Montpelhièr, Peire Cardenal es un dels bèls primièrs poètas satirics. Son epòca es la de la Crosada contra los catars, la del tresvirament e de la fin d'una civilizacion.
Se Peire Cardenal comença sa carrièra en cantant l'amor, en aqueles temps caotics, se vira cap a la poësia satirica dels sirventés, que condemnan la decadéncia morala e la corrupcion que senhorejan d'ara en là dins lo Lengadòc dels Crosats :
"Un sirventes vuelh far dels auls glotos
Que vendon Dieu e destruzon la gen,
E prezicon qu'el vivon sanctamen..."
Coma o escriu Yves Leclair, "Malgrat los sègles que nos ne'n desseparan" [...] l'òbra de Peire Cardenal "es de la granda tradicion de la poësia contestatària" [...] "Canta pels pòbles e las civilizacions, minoritàrias o non, victimas de persecucion, de guèrra, d'imperialisme e de totas menas de dictatura".
L'obratge prepausa trenta un poèmas en version bilingüa : tèxte occitan (establit per René Lavaud) amb transposicion / "transpoëtizacion" francesa en regard. Cada poèma es precedit d'una presentacion istorica e literària en francés.
Edicions Fédérop, colleccion Littérature occitane, Troubadours.
