Vent de sable - Joan Ganhaire

Vent de sable - Joan Ganhaire

Ven de paréisser : una enquèsta novèla del comissari Darnaudguilhem e de sa còla. Aquò's que Rodilha, vagabond, pelhaire e indic favorit del comissari, es trobat escornholat. L'enquèsta se lança, mas fin finala, qual èra, aquel Rodilha ?
De pas mancar !



Mai de detalhs

15,00 € TTC

978-2-85910-620-1

Disponibilitat : Disponible

Apondre dins lo panièr

Vent de sable

Joan Ganhaire

Tornaretz trobar aicí Darnaudguilhem, lo grand comissari dels pels blancs, enfin tornat de son dòl (veire La mòrt vai mai regde que lo vent) e sa còla de tria : Madelbòsc lo legista, lo fidèl Ange Le Goff (entre maites mestís breton-còrse), los inspectors Ben Ahmrane, Diagana Traòre (lo Malian tanben un pauc marabot, que son ròtle es màger aicí)...

De fach, qual èra, Rodilha, lo vièlh pelharòt ? Una enquèsta novèla de seguir, plan segur, que vous farà comprene lo títol, "Vent de sable" e  mai que vos menarà dins un país d'Africa que foguèt antan una colonia occitana !

Extrach :
"Un niflament furiós e una odor acra de fumada anonciet la ’ribada dau medecin Masdelbòsc, legista plan conegut per son umor macabre e sa propension a prener fuòc tres còps per jorn per causa de cigarretas rosselardas que laissavan tombar lutas e papier mau tuat sus de las chamisas traucadas come per dau pitit plomb tirat a bot tucant. 'Merda, mas quo es Rodilha…' Eu tanben l’aimava bien lo vielh trainamisèria que ’viá menat de sab’ pas ente un pilòt de nhòrlas pebradas e vulgaras que lo medecin, a l’ocasion, aimava se far contar per las tornar dire quante, d’astre, era convidat dins lo monde. Despacientat, se doblet per dessús las bandas rossas e rojas e aguet lo mesme geste que Le Goff. 'Filh de vessa, l’a pas mancat…' Son uelh, ’bituat a la misèria, aviá tanben conegut de las marcas de violéncia sus la chara desjà naturalament ben pro uflada dau paubre tipe. Deguet pertant esperar que los dos dançaires de claquetas aguessen ’chabat lor recòlta per rentrar sus la scena dau crime. Le Goff se desviret per pas veire las òrras manipulacions que lo medecin s’i liurava, aprep aver desfach lo badalhon.
"Lo pitit Riublandon aviá desjà quauqua idèia sus çò que s’era passat." 

En occitan (lemosin).

Una coedicion IEO edicions - Novelum, colleccion Crimis.

  • Edicion IEO Edicions
  • Data de publicacion : 2020
  • Format (a x l) : 18 x 13,5 cm
  • Colleccion Crimis
  • Lenga : en occitan
  • Nombre de paginas : 176
  • Religadura : brocat, cobèrta sopla
aceptar