Lo Mandarin - J.-M. Eça de Queiroz

Lo Mandarin - J.-M. Eça de Queiroz

De descobrir : un conte fantastic al biais de Flaubert o de Maupassant, un conte saborós, plasent e crudèl, que mancarà pas de vos interpelar, d'aquel grand escrivan portugués.
En occitan.


Mai de detalhs

12,00 € TTC

978-2-85910-612-6

Disponibilitat : Disponible

Apondre dins lo panièr

Lo Mandarin

José Maria Eça de Queiroz
revirada occitana de Joaquim Blasco.

Dins aquel tèxte escrich en 1880, Eça de Queiroz torna prene un tèma recurrent de la tradicion literària : la pacha amb lo diable.
Pichon foncionari besonhós e boçut, Teodoro emplega sos lésers en legir de libres vièlhs que crompa per pas res a l'inquet de Lisbona. Una nuèch, un passatge de l'un d'aquestes li sauta als uèlhs :
"Al fin fons de China demòra un mandarin mai ric que totes los reis que la mitologia o l’istòria ne parlan. D’el sabes pas res, ni lo nom, ni lo visatge, ni la seda que carga per se vestir. Per que tu eiretes sos bens infinits, basta que fagas tindar aquesta campaneta qu’as a costat de tu, sus un libre. El daissarà anar solament un sospir, dels confinhs de Mongolia estant. Alara serà un cadavre, e tu veiràs a tos pès mai d’aur que çò que pòt somiar l’ambicion d’un avar. Tu, que me legisses e siás
un òme mortal, la tocaràs, tu, la campaneta ?"
Ne vos dobtatz : Teodor tòca la campaneta. Alara comença una vida d’abondància, de gorrinariás e de viatges, mas lèu sa consciéncia li ven entrepachar los plasers e la fantauma del mandarin sacrificat lo treva sens fin ni pausa...

Jornalista, diplomata e escrivan, admirator de Flaubert, Eça de Queiroz es un dels grands autors portugueses del sègle 19. Tornaretz trobar dins aquesta revirada occitana son estil coladís, musical, sas descripcions eficaças sens èsser pesugas, e mai que mai son umor amb una tendresa mesclada de derision e d'ironia.

IEO edicions, colleccion Flor envèrsa.



  • Edicion IEO Edicions
  • Data de publicacion : 2020
  • Format (a x l) : 21 x 14 cm
  • Colleccion Flor envèrsa
  • Lenga : en occitan
  • Nombre de paginas : 88
  • Religadura : brocat, cobèrta sopla
aceptar