Teatre - Max Roqueta

Teatre - Max Roqueta

Ven de paréisser : un recuèlh de cinc pèças de teatre de Max Roqueta, ineditas o vengudas introbablas. De la farsejada a la fadariá, en passar per l'oratorio-opera...
De descobrir e de jogar !



Mai de detalhs

27,00 € TTC

978-2-37863-030-0

Apondre dins lo panièr

Teatre

Max Roqueta (1908-2005)

Revirat en francés, puèi dins de lengas nombrosas, Max Roqueta s'aquesiguèt pauc a pauc una larga notorietat internacionala. En mai de la pròsa e de la poësia, lo teatre foguèt una de sas grandas passions e un penjal màger de son òbra, puèi que laissa setze pèças de teatre acabadas.

Aquesta edicion preciosa ne porgís cinc, de genres diferents, mai que n'i a tres de totalament ineditas :
 - La Pastorala dels volurs
 : una nuèch de Nadal, dos colcavestits son reculhitss per un parelh de païsans rics qu'an ben enveja d'escrocar... Una pastorala umanista.
-
La Podra d’embòrnia
: al ser d'una victòria de Venècia suls Turcs, la Comtessa imatgina de bufar une polvera magica pels
uèlhs de l'amiral venceire, que venga amorós d'ela... mas res se passarà pas coma previst ! jòcs de l’amor e de la vida dins la Republica de Venècia.
- Canta-Loba
: après la casuda de Montsegur, la Loba de Pennautièr sòmia al mond avalit de sa jovença, que foguèt tanben lo de l'esplendor occitana... un oratorio qu’espèra encara lo creator de sa musica. 
- La Ròsa bengali
: dins un bòsc nocturne plen d'encataments, un jove colcavestit fa pacha amb un aucèl dels poders infinits... una fantasiá poetica e magica, batèsta entre poder e amor.
- La Gruma e la Sau
, autra fadariá, plena de solelh, aquesta : sus l'iscla de Magalona, al temps legendari del naut atge mejan, un jove monge e una sirèna s'amorosisson un de l'autre... Una reflexion suls camins de l’existéncia. 

L’edicion d'aquelas pèças de teatre de l’autor de Medelha (Médée) permetrà als amators de literatura occitana de legir una part essenciala de son òbra.
En abans dir, una presentacion plan interessanta de las cinc òbras per Joan-Claudi Forêt.

Edicions Letras d'òc.

  • Edicion Letras d'òc
  • Data de publicacion : 2020
  • Format (a x l) : 21 x 15 cm
  • Lenga : en occitan
  • Nombre de paginas : 448
  • Religadura : brocat, cubèrta sopla amb rebats
aceptar