Chansons d'Auvergne - Collectif

Chansons d'Auvergne, cançons de la vida

Edicion novèla, revista e augmentada amb CD.

Alain Bruel, Didier Huguet, Jean-Claude Rocher
prefaci de Claude Sicre
cant : Jean-Louis Deygas

Cent vint cançons, culhidas al fial de vint ans de collèctas fachas mai que mai per l’Institut d’Estudis occitans del Cantal, e tanben en collaboracion amb l’Agence des Musiques traditionnelles d’Auvergne (AMTA), mai d’autres apassionats de la cultura occitana.
Aquesta segonda edicion es destinada a un public larg que desira de retrobar o de descobrir un repertòri de cançons occitanas, que la part màger son de tradicion orala, per las cantar se meteis.
Amb las particions, los tèxtes de las cançons son donats dins las versions divèrsas culhidas, e acompahats de reviradas francesas pels tèxtes en lenga d’òc, de que contentar los lectors pas occitanoparlants, mai tanben los debutants en occitan. E coma aqueste recuèlh vòl donar una vista d’ensemble de la cançon populara occitana en Auvèrnhe, i trobraretz tanben qualques classics d’autors encara presats, per exemple Raimond Four e Loís Debrons.

Lo libre es acompanhat d'enregistraments sus CD : se i poirà ausir lo primièr coblet de caduna de las 125 cançons, que son regropadas en 99 títols sul CD, en causa de rasons tecnicas. Una ajuda per las aprene (especialament se legissètz pas gaire la musica escricha) o per se reviscolar la memòria. Una ajuda tanben per la lectura e la prononciacion de las paraulas. La cançons son interpretadas per Jean-Louis Deygas, cantaire e musician, del grop Somia fèstas e de Cantalàs (CMdT 15), animator d'estagis de cant occitan, de passejadas cantadas e de velhadas.

Edicion Ostal del libre, colleccion Lo Biais.

Desolats, la publicacion foguèt retardada en causa d'un problèma tecnic. Lo libre serà disponible a la fin del mes d'agost.

Dins la meteissa colleccion : Jouets rustiques, Jouets d'Autrefois, Jouets de toujours, Jouets sonores, Jeux de cocagne.