Per totes a partir de 10 ans, un album qu'evòca los camins de Sant-Jaume de Compostèla al sègle 12. Acompanharetz dos "imatgièrs", occitans e catalans, e lors joves aprendís vèrs una capèla que lor i cal pintrar las frescas. Un biais de descobrir los camins de Sant-Jaume, l'art romanic e d'autras lengas !
Multilingüe (francés, occitan, catalan, castilhan) amb CD.
Sylvie Léonard
Suls camins de Sant-Jaume de Compostèla, al sègle 12, los pelegrins se rejonhián en cridar "Ultreia !", del latin ultra, al-delai. Suls camins, coma auèi, las lengas se contrapassavan mai los umans se comprenián.
D' "imatgiers" seguissián las vias de pelegrinatge per pintrar sus fresca las parets de las glèisas. Ne'n acompanham quatre, Lucàs e son novelari Ceset, venguts d’Occitània, Domènec e son novelari Nin, venguts de Catalonha, que se retròban a Puente la Reina. Se van jónher lo saber e l'engenh per pintrar la capèla de Maderuelo, un cap d’òbra de la pintura romanica.
Per crosar las lengas amb l’istòria de las arts, un raconte en francés, occitan, catalan e espanhòl. Album illustrat de fotografias en color : vistas e òbras d'art del Camin de Compostèla.
Sul CD : lo raconte legit dins caduna de las quatre lengas, puèi d'extrachs de musicas del sègle 13 (Cantigas d’Amfós X lo Sabi).
Edicion CRDP de Montpelhièr, colleccion Langues en pratiques Docs authentiques.
